| En breu brisaba.l temps braus e.l bis'e.l buel ne.l branx qui s'entreteno trastuch de sobre claus ram de foilla Qu'er no.i cant'aucels ni piola m'essegn Amors qu'eu façh'adonc tal chan quin n'er segonç ni terç anç prims de francar cor acre. |
|
| Amors es de preç la claus e de proeça us estanx don naisso tuig li bon frug s'es qui leialmen los coilla que un non delis gels ni niola mentre que.l noiris el bon tronc mas si.l rump trefas nil culverç peris tro leial lo sagre. |
|
| Fallirs emendaç es laus Et eu senti.m irams los flanx que mais n'ai d'amor ses cug que tals qu'en parla e n'orgoilla que peiç mi fa.l cor de friola mentre.n ela.m feç senblan en bronc mais vol gr'en trair pen'els deferç on anc non ac d'auçels agre. |
|
| Bona doctrina e suans e cors clars soptils e franx mand'amor al ferm conduch de lei don plus noill que.m cuilla quar si.m fo fera et escriola er iauçen breuian tems lonc qu'ill m'es plus fina et eu lei cerç que Talent'e Meleagre |
|
| E an depti que per non aus. devenc. soven ners e blanx si m'a.l sen desus forsduch no sap lo cors trep o.s deuoilla mas iois qui d'esper m'afiola m'encolpa car no la somonc Per qu'ieu soi del prec tan espreç non ai d'als talan neis magre. |
|
| Pensar de lei m'es repaus e tragam ams los oilç cranx s'a lei veçer no.ls estug e.l cor non cretaç que.m tuoilla car oras ni iox ni viola no.m pot de lei en travers ionc partir cai dich Deu tu.m somerç o.m peris el peles agre. Arnauç vol sos chanç sia offerç lai on dolç moç mou en agre. |
|