Tu sei qui

Revisione di Edizione diplomatica del Mar, 12/01/2016 - 11:49

	M arcabruns P er sauil tenc ses doptanssa. Cel qui demon chant deuina. So que chascus motz declina. Si cum la razos despleia. qieu mezeis sui enerranssa. desclarzir paraula escura.
	T robador ab son denfanssa. mou als pros grand atahina. Etornon endisaplina. So que ueritatz autreia. Efant los motz p(er) esmanssa. Entrebeschatz defraichura.
	E meton en un eganssa. Falssamor encon tra fina.qieu dic que damar saizina. ab si mezesme gerreia. Capres laborsa uoianssa. fai fals captenenssa dura.
	P erson port ira epesanssa. Caug dir a la gen tafura. Camors engana etrahi na. Cellui qui amars reneia. menton q(ue) lor benananssa. Es iois sofrirs emesura.
	A itals preiars fai mostranssa. Sen doas partz non camina. pois bonamors nes uezina. ab doutz desirs dun enueia. ab segurana fianssa.blanca cara uera epura.
	C amors a signifianssa. demaracde o de sardina. E de ioi cima eracina. Cab ue ritat seignoreia. Esa poestatz sobranssa. sobremouta creatura.
	S egon dich faich esemblanssa. Es de ue raia corina. Car se promet eis pleuina. ab so qel dos nosordeia. Equi uas lieis nosenanssa. porta nom defollatura.
	S ermonars ni predicanssa. Nom ual un ou degaillina. uas cellui de qes frai rina. Foillia de cuer corina.q(ue)u sai samars es amanssa. qa mains es falsa etafura.
	F ols p(er)tot so cau romanssa.non sec razo mas buzina. Car samors uiu derapina. autrei camors samoreia. Eq(ue) costans es costanssa. Efals usatges dreitura.
	A la finida balanssa. daqest uers ereuo lina.Sobrun auol gen canina. Cui mal uatz astres ombreia. Cab folla cuida bo banssa. Ses faich debonauentura.