| Peirols. | Peirols | ||
| DEl sieu tort farai esmenda. Lieis qem fetz partir de se. Qanqer ai talan qeil renda. Sill platz mas chan- sos e me. Ses respieich dautra merce. Sol sofra qen lieis mentenda. Equel bel nien matenda. |
Del sieu tort farai esmenda, lieis qe·m fetz partir de se, q'anqer ai talan qe·il renda, si·ll platz, mas chansos e me, ses respieich d'autra merce; sol sofra q'en lieis m'entenda e que·l bel nien m'atenda. |
1 | 1 |
| 1 | 2 | ||
| 1 | 3 | ||
| 1 | 4 | ||
| 1 | 5 | ||
| 1 | 6 | ||
| 1 | 7 | ||
| Ges p(er)negun mal qem prenda. delieis amar nom recre. Anz sofre cum que menprenda. La pena el dan q(e) men ue. Bem degra far cal que be. Mas nois taing q(e)lan reprenda. Sitot ses uers quil mesprenda. |
Ges per negun mal qe·m prenda de lieis amar no·m recre, anz sofre, cum que m'enprenda, la pena e·l dan qe m'en ve: be·m degra far calque be, mas no·is taing qe la·n reprenda sitot s'es vers qu'il mesprenda. |
2 | 1 |
| 2 | 2 | ||
| 2 | 3 | ||
| 2 | 4 | ||
| 2 | 5 | ||
| 2 | 6 | ||
| 2 | 7 | ||
| Mout encossir nuoich edia. Enomen sai conseillar. P(er)o si sendeuenia. Gran talan ai qun baisar. Li pogues tolre (et) emblar. E sella sen iraissia. Volun- tiers lo li rendria. |
Mout en cossir nuoich e dia e no m'en sai conseillar; pero si s'endevenia, gran talan ai q'un baisar li pogues tolre et emblar, e s'ella s'en iraissia voluntiers lo li rendria. |
3 | 1 |
| 3 | 2 | ||
| 3 | 3 | ||
| 3 | 4 | ||
| 3 | 5 | ||
| 3 | 6 | ||
| 3 | 7 | ||
| Eu sai ben que non poiria. demado(m)p- nal cor ostar. p(er) ira ni p(er) feunia ni p(er) autra dompna amar. P(er) so men lais era estar. Mas si cum li plaira sia. Q(e)u lamarai totauia. |
Eu sai ben que non poiria de madompna·l cor ostar per ira ni per feunia ni per autra dompna amar, per so m'en lais era estar, mas si cum li plaira sia, q'eu l'amarai tota via. |
4 | 1 |
| 4 | 2 | ||
| 4 | 3 | ||
| 4 | 4 | ||
| 4 | 5 | ||
| 4 | 6 | ||
| 4 | 7 | ||
| Enon es nuills hom cui teigna. tant apoderat amors. E alieis non platz qe(m) soueigna. Dels plazers ni dels socors. ca uia trobat aillors. Anz uol q(e) sai mi de- streigna. P(er) tal q(e) nom uol nim deigna |
E non es nuills hom cui teigna tant apoderat Amors, e a lieis non platz qe·m soveigna dels plazers ni dels socors c'avia trobat aillors, anz vol qe sai mi destreigna per tal qe no·m vol ni·m deigna. |
5 | 1 |
| 5 | 2 | ||
| 5 | 3 | ||
| 5 | 4 | ||
| 5 | 5 | ||
| 5 | 6 | ||
| 5 | 7 | ||
| Bona dompna encui reigna. Sens ebel- tatz eualors. soffriretz caissim destreig na. Lo desiriers el amors. siuals dels pla- zers menors. Mifaitz tant don iois mi ueigna. Ecauos nois descoueigna. |
Bona dompna, en cui reigna sens e beltatz e valors, soffriretz c'aissi·m destreigna lo desiriers e l'amors? Sivals dels plazers menors mi faitz tant don iois mi veigna e c'a vos no·is descoveigna. |
6 | 1 |
| 6 | 2 | ||
| 6 | 3 | ||
| 6 | 4 | ||
| 6 | 5 | ||
| 6 | 6 | ||
| 6 | 7 | ||
| Chanssoneta uai decors. dir amidonz qet reteigna. pois mi retener no(n) deig- na. |
Chanssoneta, vai de cors dir a midonz qe·t reteigna, pois mi retener non deigna. |
7 | 1 |
| 7 | 2 | ||
| 7 | 3 |