[c. 302]
| Marchabrus Emp(er)aire p(er) mi mezeis. sai tant uostra proeza creis nom soi ies. tarzatz del uenir. qe iois uoi pais. ep(re)z uos creis e iouenz uostre baldefreis. qeu sa uostra ualor techir. |
| Pos lo fils de dieu uos somon. qel ue(n)ges del ling fara hon. be uos endeuetz esbaudir. contrals portz faillion li baron. li plusde condug e de don. e ia dieus nols en laus iauzir. |
| Mas en cels de lai es remas. a uos despagna e del uas. en deuetz ben la fan sofrir. els sarrazis tornatz atras e de laut orgueil for uenir. e dieus er ab uosalfenir. |
[c. 303]
| Als amorauis faitz conort p(er) las poestatz doutralport. can presuna tela ordir. darap. e de mieia. es detort. e ditz cadaus cassa mort. se fara de sa part deuestir. |
| Mas delai nan blasme li ric. camc lo soiorn elabric. moliazer. esuau dormir. e no sai segon lo prezic. conq(ue)r rem de dieu p(er)afic. lonor el auer el merir. |
| Trop seuan entrels cobeitan. ai cels qe uergognha. nonan. escuian ab lauar cobrir. (et) eu dic lor segon. semblan. q(ue)lcap derier. els pes dauan. los coue del palais issir. |
| Per pauc marchabrus. non trassailh. de iouen can p(er) auer fail. e celqe plus la mal cuillir. can uenra al premier badailh. e milmarcs n(on) dariun ailh. silsi fara la mortz pudir. |
| Ab la ualor de portegual. e delrei nauat attretal. ab sol qebarsa lonas uir. ues tolesa lemp(er)ial. segur podrem cridar reial. e paiana gent. desconfir. |
| Si no fosson tan gran li riu. als amorauisfols esqiu e pogra(m) lor obe(n) pleuir. e satendo lo rechaliu. de chastela segnhoriu cordoailh. farem maigrezir. |
| Mas franza peitau ebeiriu. a clina un sol segnhoriu. uengua sai dieu son fieu seruir. qieu no sai p(er) qe p(ri)nceps uiu. sa dieu non ue son fieu seruir. |