| I | I |
| A R sespan la flors en uersa. pels trecans ams e pels tertres. qals flors nieus gells e co(n)gla pis. qi cotz e destreinh e tre(n)ca. don uei morz qils critz brails çiscles. pels fueilhs pels rams e pels giscles. mais mi ten uerd e iauzen iois. ar qan uei secs los dolenz crois. |
Ar s’espan la flors enversa pels trecans ams e pels tertres. Qals flors ? Nieus, gells e conglapis qi cotz e destreinh e trenca, don vei morz qils, critz, brails, çiscles pels fueilhs, pels rams e pels giscles, mais mi ten verd e iauzen iois ar, qan vei secs los dolenz crois. |
| II | II |
|
Q Ar en aissi o enuersa.qel bel |
Qar en aissi o enversa qe.l bel plan mi semblan tertres, e tenc per lor lo conglapis, e caitz m’es vis qe fretz trence, e tron mi son chant e siscles, e parom foilhat li giscle. Aissi.m sui ferms laçatz en ioi que ren non vei qi.m sia croi. |
| III | III |
| M as una gen fadaenuersa. con sero(n) noirit en tertres. qem fa(n) pro pez qe conglapis. quns qecs ab sa lenga trenca. en parlla bas (et) ab siscles. e noi ual bastos ni giscles. ni menasas an lur es iois. qan fan zo de qom los clam crois. |
Mas una gen fada enversa, con s’eron noirit en tertres, qe.m fan pro pez qe conglapis, q’uns qecs ab sa lenga trenca e.n parla bas e ab siscles, e no i val bastos ni giscles ni menasas an lur es iois qan fan zo de q’om los clam crois. |
| IV | IV |
| Q Ar en baiçan nos enuersa. no mo tolun plan ni tertre do(n) na ni gells ni conglapi. mas non poder trop mi treca. do(n)na per chant e per siscle. uostre bell hueilh mi son giscle. q(ue)m castion sill cor ab ioi. qieu nos aus auer talen croi. |
Qar en baiçan nos enversa, no mo tolun plan ni tertre, donna, ni gells ni conglapi, mas non poder trop mi treca, donna, per chant e per siscle vostre bell hueilh mi son giscle que.m castion si.ll cor ab ioi q’ieu nos aus aver talen croi. |
| V | V |
| A Nat ai com nau enuersa. cer can ram e uals e tertres. mar ritz con cell qe conglapis. co çha el masa e treca. qe no co qis chanz ni siscles. plus q(ue) fols creis conquier giscles. mas ar dieus lai malberga iois. mal grat dels fals lausengiers crois. |
Anat ai com nau enversa, cercan ram e vals e tertres, marritz con cell qe conglapis, coçha e.l masa e treca, qe no coqis chanz ni siscles plus que fols creis conquier giscles, mas ar, Dieus lai !, m’alberga iois, malgrat dels fals lausengiers crois. |
| VI | VI |
| M Os uers aqist qi benuersa. qe nol tengan puei ni tertre.la on hom non sent conglapi. ni a fretz poder qei trenqe. a midons lo chant el siscle. clars qel cor len e(n)trell giscle. cell q(ue) sap gen chantar ab ioi. q(ue) no(n) tang a chantador croi. |
Mos vers aquist, qi ben versa qe no.l tengan puei ni tertre, la on hom non sent conglapi, ni a fretz poder qe i trenqe, a midons lo chant e.l siscle clars qe.l cor l’en entre.ll giscle cell que sap gen chantar ab ioi, que non tang a chantador croi. |
| VII | VII |
| D Oussa donna amors e iois. nos aioston malgrat dels crois. |
Doussa donna, amors e iois nos aioston malgrat dels crois ! |
| VIII | VIII |
| I Oglar gran re nai mens de ioi. qar nos uei en fatz sembla(n)s croi. |
Ioglar, granren ai mens de ioi, qar no.s vei en fatz semblans croi ! |