 |
Rambaut daure(n)ga A ssaz mes bel que de nouel. faza parer de mon saber. Toz plans als prims sobre saben. Que uan cuidan. Cab sen den fan. Dic efaz mon catenemen. Eu sec mon cor emostri for. Tot aizo dom ill mi consen. Q ui quen fauel. lo mes pro bel. De mon saber. Qen sai nuls uer. Si tot non sui mout conoissen. Qel trop parlan. Que uan cuidan. fols es no(n) es son sen. Car tost sal for. ab bel demor. Gen motz huier cortes talen. A b son nouel. dic efauel. Efaz parer. Mon cubert uer. lai on tain que |
 |
sia paruen. Que son enfan. lom ils parlan. Vas mi esai qui nes guiren. ab queu damor gen diz mon cor. Si quel diz no passa las den. D on damar dic. Can sisestric. leis camar deig. Quel mils adreig seran sert. Com lan finam(en)t. Meli on sai p(re)gar huimai. Quel sen con ap(re)n. De ben amar. Enems p(re)gar. M(en) uenrion donas cinccen. B en ai cor ric. plus qu(eu) no dic. Etan adreig. que duc ni reig. non p(re)z si no(m) prez. Eissamen. A cui no(m) plai em son desai. Cameraz mon bon uolen. No(n) uoill p(re)gar. Que meils mesclar. Que som prec mi q(ue)n p(re)ges gen. L enoios tric. Si on del ric. Sobeiran reg. Maldigz edegz. Del ianglos parlar mal disen. Gic men hu imai. Cal dir no(m) plai. Tan mes lur me(n) taure cosen. Que sil tot clar. moron amar. Non poirria q(ue)l cor men uen. P auc sap damar. Qui tem pregar. Dieus quil bais lomal dis manen. E i uoil p(re)gar. Vers ab diz clar. Que lai enurgel ta presen. A b talen clar. Sun fai amar. Elbon esper queu nai guiren. |