 |
Die(us) est ausis (con)me li pellicans qui fait son nif el plus haut arbre sus. (et) li mauuais oisiaux qui est deius ses oiseillons ocist tant est puans li peres uient destroiz (et) angoisseus dou bec so- cist de son sanc doulereus dait reuiure tantost ses oiseillons. die(us) fist quter q(ua)nt fu sa passion. de son dous chaut sanc racheta ses anfanz dou deable qui ta(n)t par est puissanz. |
 |
. Li guerredons en est mauuais (et) leus, q(ui) bien ne droit ne pitie nan a nus. ainz est orguie(us) (et) ba raz audesus. felonie traison (et) bobans m(u)lt par est ore n(ost)re estaz perilleus (et) se ne fust li exemples de ceus qui ta(n)t ai(m)ent et noises (et)tencons ce est des clers qui ont laissie sermons por guerroi er (et) por tuer les gens iamaia en dieu ne fust nus hons creanz. |
  |
V(ost)re chief fait touz noz membres doloir. porce est bie(n) droiz q(ua)dieu nos en plaignons. (et) grant cor- pe ra m(u)lt sor les barons. cui il poise q(ua)nt aucuns puet auoir (et) autre gent en fo(n)t m(u)lt ablasmer. qui tant seuent (et)me(n)tir (et) guiller le mal enfont desus aus reuer- tir (et) qui quiert mal maus ne li dont fail- lir. qui petit mal porchace a son pooir li grans ne puet en son cuer remanoir |
 |
Bien deuriens en lestoire ueoir la ba taille qui fu des .ij. dragons si (con) lan trueue el liure des barons. dont il co uint le chastel ius chaoir. cest li siecles cui il couient uerses le die(us) ne uuet la bataille finer. le sant mellin en couie(n)t hars issir por deuiner q(ue)stoit aauenir. mais andecriz uient ce poez sauoir au ma lices que(n)nemis puet mouoir. |
 |
Sauez qui sont li oiselet puant qui tuent dieu (et) ses anfanco(n)nez. Li papelart dou li mo(n)s nest pas nez cil sont bien ort (et) mauueis (et) puant. Il ocient toute la bone gent p(ar) lor faus moz qui sont li dieu anfant. papelart font le siecle chanceler par saint pierre mal les fait ancontrer il ont tolu ioie (et)soulaz (et) pais seporte- ront en enfer le frant fais. |