| I | |
| Dame lan dit q(ue) lan muert bien de ioie. ien ai doute mais ce fu por noiant. car ie cuidoie se ian uoz braz estoie. q(ue) ie fusse enqui ioieusem(en)t. si douce mort fust bien a mon tale(n)t. car la dolours damors qui me guer roie par est si grans ke de morir mef froie |
Dame, l’an dit que l’an muert bien de joie, j’en ai douté, mais ce fu por noiant, car je cuidoie, se j’an voz braz estoie, que je fusse en qui joieusement. Si douce mort fust bien a mon talent, car la dolours d’amors qui me guerroie par est si grans ke de morir m’effroie. |
| II | |
| He diex me doint ce q(ue) ie li quer roie ce me retien en amor seulem(en)t se raisons est q(ue) se por li moroie q(ue)le en eust por moi son cuer dolant. (et) ie me doi garder aescient de correcier li q(ue)stre ne uoudroie en paradis se ele nestoit moie. |
He Diex me doint ce que je li querroie, ce me retien en amor seulement, se raisons est que, se por li moroie, qu’ele en eüst por moi son cuer dolant; et je me doi garder a escient de correcier li, qu’estre ne voudroie en Paradis, se ele n’estoit moie. |
| III | |
| Diex nos promet q(ue) qui porra atendre en paradis qui porra souhaidier [en paradis] ia puis ne lestuet plaindre car il laura ta(n) tost sanz delaier. (et) se ie puis paradis gaeignier. la uerrai ie ma dame sa(n)z (con)traindre. ou diex fera sa parole re maindre. |
Diex nos promet que, qui porra atendre en Paradis, qui porra souhaidier ja puis ne l’estuet plaindre, car il l’avra tantost sanz delaier; et, se je puis Paradis gaeignier, la verrai je ma dame sanz contraindre, ou Diex fera sa parole remaindre. |
| IV | |
| Tres bone amor ne quier muer ne fraindre se nest au cuer desloial losangier. fol guilleor q(ui) a amors sanz f[r]aindre font les loiaus de lor ioie esloignier. mais ma dame set bien au mien cuidier a ses dous moz si bien mo(n) cuer ataindre q(ue)le conoist ce qui li fait destraindre. |
Tres bone amor ne quier muër ne fraindre, se n’est au cuer desloial, losangier, fol, guilleor, qui a amors sanz f[r]aindre font les loiaus de lor joie esloignier. Mais ma dame set bien, au mien cuidier, a ses dous moz si bien mon cuer ataindre qu’ele conoist ce qui li fait destraindre. |
| V | |
| Se ie puis tant uiure que il li chaille de mes dolors bien porroie garir. mais ele tient mes diz a co(n)trouail le. (et) cuide ades q(ue) ie doie mentir. |
Se je puis tant vivre que il li chaille de mes dolors, bien porroie garir; mais ele tient mes diz a controvaille et cuide adés que je doie mentir. |