| I | |
| Coustume est bien q(ua)nt len tient un prison. quen ne le ueut oir ne escouter. car nule riens ne fait tant cuer felon. con grant pooir qui mal en ueut user. por ce dame demoi mestuet dou ter. car ie nios parler de ra encon nestre ostagiez sen bele guise non. auec tout ce ne puis ie eschaper. |
Coustume est bien quant l’en tient un prison qu’en ne le veut oïr ne escouter, car nule riens ne fait tant cuer felon con grant pooir qui mal en veut user. Por ce, dame, de moi m’estuet douter, car je n’i os parler de raençon n’estre ostagiez s’en bele guise non. Avec tout ce ne puis je eschaper. |
| II | |
| Dune chose ai au cuer grant soupecon. et cest la riens qui plus me fait douter. car tant degens li uont toz enuiron. ie sai deuoir que cest por moi greuer. ades dient dame on uos ueut guiler. mes il me(n) tent li losengier felon. ia par amors namera riches hon. car qui plus a melz doit a mors garder. |
D’une chose ai au cuer grant soupeçon, et c’est la riens qui plus me fait douter, car tant de gens li vont toz environ, je sai de voir que c’est por moi grever. Adés dient: «Dame, on vos veut guiler», més il mentent li losengier felon, ja par amors n’amera riches hon. Car qui plus a melz doit amors garder. |
| III | |
| Se madame ne ueut amer nului moi ne autrui cinc cens merciz len rent. qas ses ya dautres que ie ne sui qui la prient de faint cuer baudement. esbaudise fait gaaingnier souuent. mais ie ne sai riens quant deua(n)t li sui. tant ai de mal de paine (et) dennui. quant me couie(n)t dire adieu uos coumant. |
Se madame ne veut amer nului, moi ne autrui, cinc cens merciz l’en rent, q’asses y a d’autres que je ne sui qui la prient de faint cuer baudement. Esbaudise fait gaaingnier souvent, mais ne sai riens quant je devant li sui; tant ai de mal de paine et d’ennui; quant me covient dire: «A Dieu vos coumant». |
| IV | |
| Vos saues bien quen ne conoist enlui. ce quen con noist en autre plaineme(n)t. ma grant folie onques uoir ni co(n)nui; tant ai ame defin cuer loiaument. mais une riens mi fait alegement. quen esperance ai un pou de refui. li oiselez senua ferir el glui. quant il ne peut trouer autre garant. |
Vos saves bien qu’en ne conoist en lui ce qu’en connoist en autre plainement. Ma grant folie onques voir ni connui, tant ai amé de fin cuer loiaument. Mais une riens m’i fait alegement: qu’en esperance ai un pou de refui. Li oiselez s’en va ferir el glui quant il ne peut trover autre garant. |