| I | |
| La co(n)tessa didia sifo moillez denguillem de peitieus. Bella domna ebona. (et)enamoret se denrambaut daurenga. efez de luima(n)tas bonas cansos. xxv. Ab ioi etabiouenmapais. Eiois eiouens mapaia. Quar mos amics es lo plus gais. p(er) q(e)u sui cue(n) da egaia. Epois eulisui ueraia. Be taing quil me sia uerais. Quancd lui amar nomestrais. ni ai encor q(ue)m nestraia |
La co(n)tessa di dia si fo moillez d’en Guillem de Peitieus. Bella domna e bona, et enamoret se d’en Rambaut d’Aurenga, e fez de lui ma(n)tas bonas cansos. xxv. Ab ioi et ab ioven m’apais, e iois e iovens m’apaia, quar mos amics es lo plus gais, p(er) q’(e)u sui cue(n)da e gaia e pois eu li sui veraia, be taing qu’il me sia verais, qu’anc d lui amar no m’estrais ni ai en cor q(ue) m’·n estraia. |
| II | |
| Molt me platz quar sai q(ue) ual mais. Sel qu(eu) plus desir que maia. Ecel que p(ri)miers lo ma trais. Dieu prec q(ue) gran ioi latraia. Equiqe mal len retraia. No(n) creza fors so quiel retr ais. Com cuoill mai(n)tas ues lo balais. ab qel mezeis siballaia. |
Molt me platz quar sai q(ue) val mais sel qu’(eu) plus desir que m’aia, e cel que p(ri)miers lo m’atrais Dieu prec q(ue) gran ioi l’atraia; e qui qe mal l’en retraia, non creza, fors so qu’ie ·l retrais c’om cuoill maintas ves lo balais ab q’el mezeis si ballaia. |
| III | |
| Domna q(ue)n bon pretz senten. Deu ben pau zar sentende(n)ssa. Enu(n) pro cauallier ualen. pois iconois sa ualensa. Quelaus amara presensa. Edomna pois ama presen. Japois li pro eli ualen. No(n) diran mais auine(n)sa. |
Domna q(u’e)n bon pretz s’enten deu ben pauzar s’entende(n)ssa en u(n) pro cavallier valen; pois i conois sa valensa, que l’aus amar a presensa; e domna, pois am’a presen, ia pois li pro e li valen no(n) diran mais avine(n)sa. |
| IV | |
| Queu nai chausit un pro eien. p(er)cui pretz meillure iensa. larc eadreg econoissen. On es sens econoissenssa. prec li q(e)u naia creze(n) sa. Ni hom nol posca far crezen. Q(e)u fassa uas lui faillimen. Sol n(o) trob enlui faillenza. |
Qu’eu n’ai chausit un pro e ien, p(er) cui pretz meillur’e iensa, Larc e adreg e conoissen, on es sens e conoissenssa. prec li q’(e)u n’aia creze(n)sa, ni hom no ·l posca far crezen q’(e)u fassa vas lui faillimen, sol n(o) trob en lui faillenza. |
| V | |
| Flors lauostra uale(n)sa. sabon li pro eliua len. P(er) q(e)u uos quier dema(n)tene(n). sius platz uostra ma(n)tenenssa. |
Flors la vostra valensa sabon li pro e li valen, q(u)’u vos quier de ma(n)tene(n), si ·us platz vostra ma(n)tenenssa. |