| En chantant uoel ma dolour descouurir quant perdu ai ce que plus desirroie. las si ne sai que puisse deuenir. que mamors* est ce dont iespoire ioie. si mestoura a tel dolour languir. quant ie ne puisne ueoir ne oir labele riens a qui ie matendoie. |
| En chantant voel ma dolour descouvrir, quant perdu ai ce que plus desirroie, las, si ne sai que puisse devenir, que ma mors est ce dont i'espoire ioir, si m'estoura a tel dolour languir, quant ie ne puis ne veoir ne oir, la bele riens a qui ie m'atendoie. |
| Quant mensouuient grief ensont li sospir. (et) cest tous iors ne ia ne requerroie. pour li mestuet mainte ge(n)t obeir. car ie ne sai se nus ua cele uoie. mais se nus pues a bone amour uenir par bien amer (et) loiaument seruir. ie sai deuoir kencor en arai ioie. |
| Quant m'en souvient, grief en sont li sospir, et cest tous iors ne ia ne requerroie. Pour li m'estuet mainte gent obeir, car ie ne sai se nus va cele voie, mais se nus puet a bone amour venir, par bien amer et loiaument servir, ie sai de voir k'encor en arai ioie. |
| Mi chant sont tout plain dire (et) de dolour pour uous dame que ie ai tant amee. que ie ne sai se ie chant ou ie plour. ensi mestuet souffrir ma desti- nee. mais se diu plaist encor uerrai le iour. camours sera changie en au tre tor. si uos donra vers moi millour pensee. |
| Mi chant sont tout plain d'ire et de dolour, pour vous dame que ie ai tant amee, que ie ne sai se ie chant ou ie plour, ensi m'estuet souffrir ma desinee, mais se diu plaist encor verrai le iour, c'amours sera changie en autre tor, si vos donra vers moi millour pensee. |
| Souuirgne uos dame de fine amour que beautes ne uos ait oubliee. q(ue) ie me fi tant en uostre ualour. (qu)ades mes uis que merci ai trouee. (et) ne pourquant iemuir (et) nuit (et) iour. or uos doinst dieus pour oster ma dolour. q(ue) par uos soit mire reconfortee. |
| Souviegne vos, Dame, de fine amour, que beautes ne vos ait oubliee, que ie me fit tant en vostre valour, qu'ades m'es vis que merci ai trouvee, et neporquant ie muir et nuit et iour. Or vos doinst dieus por oster ma dolour, que par vos soit m'ire reconfortee. |
| Dame bien uoel q(ue) uos sacies de uoir (con)ques par moi ne du mais dame amee. ne ia de uos ne quier mais mouuoir. mon cuer iai (et) mentente tournee. ie nai mestier dame dedeceuoir. q(ue)tel mal ne me soel pas doloir. ne mesfres sil uos plaist al entree. |
| Dame bien voel que vos sacies de voir, c'onques par moi ne fu mais dame amee, ne ia de vos ne quier mais mouvoir, mon cuer i ai et m'entente tournee. ie n'ai mestier dame de decevoir, que tel mal ne me soel pas doloir, ne m'esfres s'il vos plaist a l'entree. |
| Cancon ua tent garde ni remanoir. prie celi ki plus ia pooir que tu souent par li chantee. |
| Cancon va, tent garde ni remanoir, prie celi ki plus i a pooir que tu souent par li chantee |