| I | |
| [.]Os de chantar mes pris talenz. Farai unuers don sui dolenz. Non serai mais hobedienz. En peitauni en lemozi. |
[P]os de chantar m'es pris talenz farai un vers don sui dolenz; non serai mais hobedienz en Peitau ni en Lemozi. |
| II | |
| [.] Vera men irei en eissil. Engue ra laiserei monfill. Engran paor et en peirill. Euolran li mal sei uezi. |
[Q]u'era m'en irei en eissil: en guera laiserei mon fill e·n gran paor et en peirill e volran li mal sei vezi. |
| III | |
| [.]Ode partirs mes aitan greus Del seignoratge de peiteus. En garda lais folcon dangeus. Tota latera oncozi. |
[L]o departirs m'es aitan greus del seignoratge de Peiteus; en garda lais Folcon d'Angeus tota la tera on cozi. |
| IV | |
| [.]I folco dangeus noill socor. El reis decui euteigmonor. Guer reiar lantut liplusor. Felon gascon et aniaui. |
[S]i Folco d'Angeus no·ill socor e·l reis de cui eu teig m'onor, guerreiar l'an tut li plusor, felon Gascon et Aniavi. |
| V | |
| [.]Iben mones sauis epros. Qua(n)t euserei pertiz deuos. Viaz la uiran tornat enios. Quar lo ueiran ioue mes qui. |
[Si] ben mon es savis e pros, quant eu serei pertiz de vos viaz l'aviran tornat en ios, quar lo veiran iove mesqui. |
| VI | |
| [.]Erce clam amo conpaigno. Si anc lifitort quelom per do. Et el prec ne iesu deltro. Enromans et en sonlati. |
[M]erce clam a mo conpaigno, si anc li fi tort, que lo·m perdo; et el prec ne Iesu del tro en romans et en son lati. |
| VII | |
| [.]Eproesse de iouen fui. Mas era parte ambedui. Et euirai mena celui. Ontuit peccador trobonfi. |
[D]e proess'e de ioven fui, mas era parte ambedui et eu irai m'en a celui on tuit peccador trobon fi. |
| VIII | |
| [.]Ant aiestat coindes egais. Mas n(ost)re seigner nol uol ma is. Era non pos sufrir lofais. Tant fui aprozaz delafi. |
[T]ant ai estat coindes e gais, mas Nostre Seigner no·l vol mais; era non pos sufrir li fais tant fui aprozaz de la fi. |
| IX | |
| [.]Ot aigurpit quant amar soill. Caualaria et or goill. Mas adeuplaz tot oa co ill. Et el quem reteigna absi. |
[T]ot ai gurpit quant amar soill: cavalaria et orgoill; mas a Deu plaz tot o acoill, et el que·m reteigna ab si. |
| X | |
| [.]Oz mos amix prec quala mort. Vei gnon tuhsai al meu conort. Queu ai agut ioi edeport. Loig epres et en mon aizi. |
[T]oz mos amix prec qu'a la mart veignon tuhs ai al meu conort, qu'eu ai agut ioi e deport loig e pres et en mon aizi. |