[c. 53 v. C]
 |
li chastelains de couci. Li nouuiauz tanz et mais et violete. et lousseignolz me semont de chanter. et mes fins cuers me fait dune amourete; si douz present que nel os refu - |
[c. 53 v. D]
  |
ser. or me lait diex en tele honeur monter. que cele v jai mon cuer et mon penser; tieigne vne foiz entre mes braz nue - te; ancoiz quaille outremer. Av conmencier la trouuai si douce - te. ia ne quidai pour li mal endurer. mes ses douz vis. et sa bele bouchete. (et) si vair oeill bel et riant et cler. more(n)t ainz pris que mosaisse doner. maiz sor me veut retenir et cuiter. mieuz aim ali vne autre achieuer. Las pour coi lai de mes ieuz reguar - dee. la douce rienz qui fausse amie ano(m). quant de moi rit. et ie lai tant amee si doucement ne fu trahis nus hom. tant (con) fui mienz ne me fist se bien no(n). mes or sui suenz si mocit sanz raison. et cest pour ce que de cuer lai amee; ni set autre ochoison. De mil souspirs que ie li doi par de - te; ne men veut pas vn seul cuite cla - mer. ne fausse amours ne lait que se(n) - tremete. ne ne me lait dormir. ne repo - ser. sele mocit. mainz aura aguarder. ie ne men sai vengier fors au plourer. quar qui amours destruit et desirete; ne len doit on blasmer. Sour toute ioie est cele courounee. que iaim damours. diex faudrai i ie do(n)t. |
[c. 54 r. A]
 |
nenil par dieu. teus est ma destinee. et tel destin mont done li felon. si seuent bien quil font grant mesprison. quar qui ce tolt dont ne puet faire don; il en conquiert anemis et mellee; ni fait se perdre non. Si coiement est ma doleurs cele. qua mon samblant ne la recounoist on. se ne fussent la gent maleuree. neusse pas souspire en pardon. amours meust done son guerredon. maiz en cel point que dui auoir mon don. lor fu lamour descou - uerte et moustree; ia naient il pardon. |