[c. 9ra]
 |
Li rois de nauarre. |
[c. 9rb]
 |
Ialoie lautrier errant sans conpaignon. seur mon palefroi anblant. por faire vne chancon. quant ioi ne sai coment lez un buisson. la uoiz dou plus bel enfant conques ueist nus hon. et nestoit pas en fes si. neust quinze ans et demi. nonques nule riens |
[c. 9va]
 |
ne vi. de si gente facon:. Vers li menuois mainte nant mis la araison. bele dites moi coment por dieu u(os) auez non. ele saut mainte nant a son baston. se uos ue nes plus auant ia aurois la tencon. sire fuiez uos de ci. nai cure de tel ami. car iai m(u)lt plus biau choisi. q(ue)n claime robecon:. Quant ie laui effreer. si du rement. quele ne me deigna esgarder. ne faire autre sem blant. lors comencai apen ser confaitement. ele me porroit amer et changier son talent. aterre lez li ma sis. quant plus regart son cler uis. tant est plus mon cuer espris qui double mo(n) talent:. Lors li pris ademander. m(u)lt belement que me deig nast esgarder. (et) faire autre semblant. ele comence a plorer et dist itant. ne uos puis plus esgarder ne sai |
[c. 9vb]
 |
qualez querrant. vers li me tres sili di. ma bele por dieu merci. ele rist si respo(n) di. non faites por la gent. Deuant moi lors la mon tai de maintenant. et tres tout droit men alai uers vn bois uerdoiant. aual les prez regardai soi criant. (deus) pastors parmi un ble qui venoient huiant. et leue rent un haut cri. assez fis plus que nedi. ie la lez si men foi. noi cure de tel ge(n)t. |