[c. 129 v.]
 |
| Li nouueax tamps et mays et uiolette. et |
[c. 130 r.]
 |
| roussignols mi semont de chant(er). et mez fins cuers mi fet dune amourette. si doulz present que ne los refuser. or mi laist diex en tele honnour mo(n) - ter. q(ue) celle ou iai mo(n) cuer et mon penser. soit vne foys entre mez bras nuette ains q(ue) voise oult(re) |
 |
| Au (com)menchier la trouuai si doucette. q(ua)inc ne cuidai p(ar) li malz e(n)dur(er). mez so(n) cler mer. uis et sa belle bouchette. (et) si uair oeil bel et riant et cler. morent ai(n)z p(ri)s q(ue) mosasse donner. mez sor mi veult retenir a so(n) per. miex aim ali faillir si me p(ro)mette. q(ue) a vne aut(re) acheu(er).Las p(our) q(uo)i lai de mez iolz resgardee. la f(ra)nce rie(n)z q(ui) false amie a nom. q(ua)nt de moy rit et ie lai ta(n)t plouree. si doucem(en)t ne fu naures nulz hom. tant (con) fui mie(n)z ne mi vint se b(ie)n no(n). or suí ie sie(n)s si mocchist sans raison. (et) cest p(er) ce q(ue) de cuer lai amee. ni scet autre |
[c. 130 v.]
 |
| achoison. De mil soulas q(ue) ie li doi p(ar) debte. ne me uoeil pas dun tout seul acuit ne laist q(ue) sentremette. ne me laisse dormir ne reposer. selle mocchist mai(n)s aura a garder. sine men sai ueng(er) fors a plourer. q(ua)r q(ui) amours dest(ra)int |
 |
| et deshirette. ne sen scet ou clam(er). Seur toutez ioies est celle couro(n)nee. q(ue) iai damours diex y faudrai ie dont. ne(n)nil p(ar) dieu tiex est ma destinee. q(ua)r tel desti(n) mi doiuent li felon. si sceue(n)t b(ie)n quil font g(ra)nt mesp(ri)son. q(ua)r qui ce tolt dont nepuet faire don. il en conquiert anemis et mellee. ni fait se p(er)dre non. |
 |
| Si que ie ment est ma dolour celee. q(ua) mo(n) sa(m)bla(n)t ne la reco(n)gnoist lon. si feissent la gent mal a pen - see. neusse paz souspire en p(ar)don. ainz mot amours rendu le guerredo(n). mays encel point q(ue) deubs a uoir mo(n) don. lors fu ma mort ensegnie et mo(n)stree. |