| I | |
| Dame len dit que le(n) muert bien de ioie; ie lai doute mes ce fu pour noient. car ie cuidai sentre uoz braz estoie; que ie fenisse iluec ioieusement. si douce mors fust bien a mon ta lent. que la dolors damors qui me guerroie; par est si granz que de morir mesfroie. |
Dame, l’en dit que l’en muert bien de joie, je l’ai douté, més ce fu pour noient, car je cuidai, s’entre voz braz estoie, que je fenisse iluec joieusement. Si douce mors fust bien a mon talent, que la dolors d’amors qui me guerroie par est si granz que de morir m’esfroie. |
| I | |
| Se dex me doint ce que ie li querroie; ce me retient a morir seule ment. que resons est se ie por li moroie; quele en eust por moi son cuer dolent. et ie me doi garder a encient. de corroci er li questre ne uoudroie; en pa radis sele ni estoit moie. |
Se Dex me doint ce que je li querroie, ce me retient a morir seulement, que resons est, se je por li moroie, qu’ele en eüst por moi son cuer dolent; et je me doi garder a encient de corrocier li, qu’estre ne voudroie en Paradis, s’ele n’i estoit moie. |
| I | |
| Dex nos pramet que qui porra atai(n) dre; a paradis qil porra souhe dier. quan qil uoudra ia puis ne lestuet plaindre; car il laura tantost sanz delaier. et se ie puis paradis gaaignier. la au(ra)i ie madame sanz contraindre; ou dex fera sa parole remai(n)dre. |
Dex nos pramet que, qui porra ataindre a Paradis, q’il porra souhedier quanq’il voudra; ja puis ne l’estuet plaindre, car il l’avra tantost sanz delaier; et se je puis Paradis gaaignier, la avrai je ma dame sanz contraindre ou Dex fera sa parole remaindre. |
| I | |
| Tres grant amour ne puet partir ne fraindre; sel nest en |
Tres grant amour ne puet partir ne fraindre s’el n’est en |
| I |