[c. 231v]
 |
Tuit mi desir (et) tuit mi grief tor ment uien(n)ent de la ou sont tuit mi penser. grant paor ai porce q(ue) dout tel gent qui ont ueu son iant cors ho nore. m(u)lt sui soupris de bone uolente nes diex lai(n)me iel sai a esciant. grant meruoille ai quant il san sueffre ta(n)t. Touz esbahiz mobli en merueillant ou diex troua si estrange biaute. quant il la mist ca ius entre la gent m(u)lt nos enfist grant debonairete. car tout le mont en a enlumine de sa ualor dont tuit li bien sont grant. nus ne la uoit qui ne lan doint autant. Souaigne uos dame dou dous acueil q(ue) ie ai fait |
[c. 232r]
 |
par si grant desirier. q(ue) norent pas tant de pooir mi oil. q(ue) ie uers uos les osasse lancier ne de ma bouche ne uos osai proier. ne ne puis dire dame q(ue) ie uos uueil tant sui couars las chaitis cor man dueil. Bo ne auenture doint diex a bon espoir qui les amans fait uiure (et) resioir. (et) despe rance fait languir (et) doloir mais faus cuers pense ades a garir. se il fust sages il me feist morir porce fait bon de la folie auoir q(ue) en trop sens puet il bie(n) mescheoir. Chancon uatan droit a ra oul noncier q(ui)l serue amors (et) face bel a cueil. (et) chant souant (con)me oiselez en brueil qui la uorroit souant ramanteuoir ia nauroit mal dont lesteust garir. car ele fait touz cex miex a ualoir cui ele uuet bonem(en)t acueillir. diex tant me fu de li grief au partir amours merci faites li asauoir q(ue) cuers qui nai(n) me ne puet grant ioie auoir. |