[c. 1r]
 |
| Li rois de nauarre fist ces chancons .cj.liij Dame li uostres fins amis ki tout sen cuer a en uous mis. de uous amer est si sous pris. que de iour (et) de nuit est pris. uos mande que sacies de uoir. kil uous aime sans deceuoir. en uos amer na pas mespris. Dame qua(n)t |
 |
| de uous me souuient. une teux ioie au cuer me uient. camours me lace ki me tient. uostres dous regars me soustient. ki souef ma le cuer em ble. (et) souent me ra il samble. q(ue) de uous toute ioie uient. Amours aies de moi merci. q(ue) mon cuer ki nest mie ci. faites ioiant (et) proies li. q(ue) il li souiegne de mi. mais certes uous nen ferois rien. q(ue) ie uos aim ce sacies bien. pour ce sel metes en oubli. Sonques nus ki uos amast tant con |
 |
| ie fas ki tous iours entent. a uos seruir ueraiement. pour cou sont perdu li amant. q(ue) trop lor faites acheter. ce dont il deuroient chant(er). dex si faites pechie trop grant. Dame merci. merci. cent fois pieties uos prenge a ceste fois de moi ki sui isi destrois. p(or) uos cor sui chaus or sui frois. or chant or plour (et) or sospir. ie (con)mant a uos mon espir. ne sai se merci en aurois. |