Tu sei qui

Edizione diplomatica

Schede primarie

[c. 63 v. D]

IE ne uoi mes nului qui gent ne

chant ne uolentier face feste ne


ioie. (et) porce aige demore longuement.


que nai chante einsi que ie soloie ne ie


naurai eu (com)mandement. (et) por ice saige

dit folement en ma chancon por ce que

ie uoldroie ne men doit on reprendre
Grant pechie fait qui fin
ami reprent nil naime pas
malement. qui por dis se chastoie. (et)
la costume est tex de fins amans plus
pense a li (et) il plus se desroie. qui en a -
mor a tot cuer et talant il doit sosfrir
bien (et) mal merciant. (et) qui einsi ne fait
il se foloie. ne ia naura grant ioie en so(n)
uiuant. Si maist dex onq(ue)s ne ui nu -
lui tres bien amer qui sen poist retraire
(et) cil est fox (et) fel (et) plains danui qui
autrement uelt mener son a faire. hai;
sauiez este la ou ie fui. douce dame sai(n)z
rien damors (con)nui uostre fins cuers qui
si pert debonaire auroit merci sonq(ue)s
riens lot dautrui. Q(ua)nt plus me(n)chau
ce amors (et) mains li fui. cist max est

[c. 64 r. A]

bien a toz autres (con)traires. que qui aime
ains dex ne fist celui nestuit souuent
de ses max ioie faire. de uos amer onq(ue)s
ne me recrui. puis cele eure dame que uo
stre fui. que mes fins cuers me fist ta(n)t
a moi plaire dont maugre soi de ce que
ien lencrui. Si sui pensis q(ue) ne sai q(ue) ie
quier fors que merci dame si uos agree
que bien sauez ia niert en reprouuier
dorguellex cuer bone chancon chantee.
mes par pitie se doit on essaucier ne ia
orguiaus ne si doit herbegier la ou il a
damors tel renomee ainz doit le sien b(ie)n
fere (et) auancier. Chancon di li que tot
ce na mestier que sele auoit cent foiz
mamort iuree si mestuet il remeindre
en son dangier.