 |
bernard daue(n)tadorn. LOnc temps a qieu no(n) chantei mai. ni saupi far chaptenemen. mas ar no tem ploia ni uen. antz sui entratz en cossire. co poge(s) bos motz assire. en un uers q(a)i apedit. si tot nos par flors ni foilha. miells me uai q(ue)l te(m)ps florit. pos lamors qieu ta(n) uu eilh mi uol. LAbor ai gent sotil e gai. qanc hom no ui tan auinen. pretz e beutatz ualor e sen. atrop ma is qieu non sai dire. res no(n) es de leis adire. cab dol qil fezes tan dardit. cuna ues lai os despueilha. me meses en luec aizit. em fezes del bratz latz[1] al col. SI nom manda lai on il iai. on (qu)[2] ieu remir lo sieu cors gen. a qal ops ma fag de nien. ai las con muer de desire. uol mi doncs mi dons aucire. qar lam o qe iai chausit. aram fa sa ]n[[3] so qes uuelha. tro son |
 |
talen naia complit. qieu no(n) planc si tot mi dol[4]. EL mon tan bon amic no(n) ai. fraire cozin ni paren. qe sim uai mon ioi en qeren. qinz en mon cor nolazire. e si me(n) fas escondire. no sen tenga per trait. no(n) uueilh lausengier macueilha. iosta si nim moua tal crit. per qieu mi lais morir de dol. TOtz mi desconosc tan bem uai. e som sabiaen cui menten. ni auses far mon ioi paruen[5]. del mieilh del mon sui iausi re. e sieu sai chantar ni rire. tot mes de lai per escarit. qen ren nom sen mal qem doilha. tan ma iois pres esazit. no sai si sui aqel qi sol. PEr sol lo[6] bel semblan qem fai. qan luec ma sazon consen. aitan de ioi qe sol mon sen. souen sailh e uolu e uire. e sai ben qan la remire. qanc hom plus bella non uit. per |
 |
merceill prec qe macueilha. e pos ma tan enreqit. no(n) sai qim dona ni qim tol. |