 |
Bernartz del Uentedorn. Amors equeus es ueiaire. Trobas uos fol mais que me. Car uoletz q(ue)u si amaire. Eque ia noi trob merce. So que(m) comandetz afaire. Farai eu caissis coue. Mas uos no(n) estaies be. Qu- en fassas tos tems mal traire. Queu am la plus de bon aire. Del mon mais de nuilla re. Et ella nomama gaire. No(n) sai p(er)- que mes deue. Equant eu men cug estraire. Eu no(n) puosc camors mi te. Traitz son p(er) bona fe. Amors beus eposc retraire. Abamor mer acontendre. Queu nomen pu- osc mais tener. Quen tal loc mi fai entend- re. Don eu nuill ben no(n) esper. Anz p(er) pauc mi fera prendre. Car sol nai cor ni uoler. Mas eu no(n) ies poder. Que(m) puosca damor defendre. Pero amors sol del deiscendre. Lai on li uen ap- lazer. Que(m) pot ben guizardon rendre. Del mal trag edel doler. Tan no(m) pot mesfar ni uendre. Que mais no(m) puosca ualer. Sol ma do(m)pnam deing uezer. Emas paraulas entendre. Quieu sai ben rason ecausa. P(er) q(ue)u puosc mi donz mostrar. Que ies loniamen no(n) ausa. Ai- ssi amor contrastar. Mas amors uenz tota cha usa. Que(m) uenquet de lui amar. Atretal si pot leis far. En una petita pausa. Ben es enueis en granz nausa. De toste(m)ps me- rce clamar. Mas lamors ques emi clausa. No(n) pot obrir ni serar. Ia mos cors no(n) dorm ni pau- sa. Ni pot enu(n) loc estar. Ne eu nono puosc du- rar. Si dolors noma suausa. Do(m)pna nuls hom no(n) pot dire. Lo mieu bon cor nil talan. Queu ai quan de uos consire. Qu- anc mais ren no(n) amei tan. Ben magro(n) mort li sospire. Do(m)pna passat a un an. Si no(n) fos oil bel semblan. P(er) que(m) dobloil li dezire. Non fas mas gabar erire. Do(m)pna quan ren uos deman. Mas si uos mamasses tan. Al re uos nauengra dire. |