 |
| En chantant uoel ma dolour descouurir quant perdu ai ce que plus desirroie. las si ne sai que puisse deuenir. que mamors est ce dont iespoire ioie. si mestoura a tel dolour languir. quant ie ne puisne ueoir ne oir labele riens a qui ie matendoie. |
 |
| Quant mensouuient grief ensont li sospir. (et) cest tous iors ne ia ne requerroie. pour li mestuet mainte ge(n)t obeir. car ie ne sai se nus ua cele uoie. mais se nus pues a bone amour uenir par bien amer (et) loiaument seruir. ie sai deuoir kencor en arai ioie. |
 |
| Mi chant sont tout plain dire (et) de dolour pour uous dame que ie ai tant amee. que ie ne sai se ie chant ou ie plour. ensi mestuet souffrir ma desti- nee. mais se diu plaist encor uerrai le iour. camours sera changie en au tre tor. si uos donra vers moi millour pensee. |
 |
| Souuirgne uos dame de fine amour que beautes ne uos ait oubliee. q(ue) ie me fi tant en uostre ualour. (qu)ades mes uis que merci ai trouee. (et) ne pourquant iemuir (et) nuit (et) iour. or uos doinst dieus pour oster ma dolour. q(ue) par uos soit mire reconfortee. |
 |
| Dame bien uoel q(ue) uos sacies de uoir (con)ques par moi ne fu mais dame amee. ne ia de uos ne quier mais mouuoir. mon cuer iai (et) mentente tournee. ie nai mestier dame dedeceuoir. q(ue)tel mal ne me soel pas doloir. ne mesfres sil uos plaist al entree. |
  |
| Cancon ua tent garde ni remanoir. prie celi ki plus ia pooir que tu souent par li chantee. |