 |
| Arnaut daniel Im fos amors de ioy donar tantlarga. cum eu son lieis de uer fin cor e franc. ia de gran be nom calgra far enbarc. qui eu am tant aut q(ue)spers men poien emploba. e can malbir com es de pres en somba. mot men am may car anc lausei uoler. quera sai ben q(ue) mon cors e mon sens. mi feran far lor grat richa conquesta. Donc si eu uai fagh lonc esper no(n) membarga. sieu tan ricloc mi somes ni mestanc. don si bel digh mi rendran de ioi larc. e segrai tan tron port ala tomba. quieu non soi cel qui laiss aur p(er) plomba. |
 |
| epois non tanh com re en lieis esmer. tant li serai fis e obediens. tro de samor sil plaz baisan mi uesta. Sa gran ualor el ric p(re)tz mi descarga. de grant sospirs don mi dolen li flanc. donc pren enpais la fan el sofrel parc. q(ue) de beutat sor las autres en comba. q(ue) la gencer pas caia pres un tombla. plus bas de lieis qui la ue et es uer. car totz bos aips pretz e ualor e sens. ren hon et en leiss eus non es meyns nin resta. |
 |
| E post tan ual nous cuies que sesparga. mes desirers ni ques forque ni franc. donc non son mieus ni seus si ia men parc. si ma iut cel quis mostret en colomba. quen tot lo mon. non es hom de nuyl nom tan finamen esper granben auer. cum eu de lieis matenh men non calens. pels deuinans cuidans dels drutz es festa. Fals lausengiers focs las lenguas uos arga. e p(er)datz totz los oilhs de mal cranc. car p(er) uos son estragh caual e marc. camors toles ca pauc del tot non plumba. confondeus deus e non uires ia co(m) non fais mal dir als drut e uil tener. mals astres es qui os ten desconoissens. peiors es on hom vos monesta. |
 |
| Amiels de be ia no(n) siatz auaria. q(ue)n uostramor mi trobaretz tot blanc. don non ai cor ni poder quem descarc. del ferm uoler q(ue) non es de re to(m)ba. que can mendorm ni clau los oilhs ni son. uostre remanc can leu non nau iazer. (et) nous cugeis q(ue) nabais mos ta lens. ni ofara queu o sent en la testa. Arnautz afaitz e fara lonc accens. cap sofrir fay pros hom riqua conquesta. |