 |
[c. 151rB] Peirols. DEl sieu tort farai esmenda. Lieis qem fetz partir de se. Qanqer ai talan qeil renda. Sill platz mas chan- sos e me. Ses respieich dautra merce. Sol sofra qen lieis mentenda. Equel bel nien matenda. Ges p(er)negun mal qem prenda. delieis amar nom recre. Anz sofre cum que menprenda. La pena el dan q(e) men ue. Bem degra far cal que be. Mas nois taing q(e)lan reprenda. Sitot ses uers quil mesprenda. Mout encossir nuoich edia. Enomen sai conseillar. P(er)o si sendeuenia. Gran talan ai qun baisar. Li pogues tolre (et) emblar. E sella sen iraissia. Volun- tiers lo li rendria. Eu sai ben que non poiria. demado(m)p- nal cor ostar. p(er) ira ni p(er) feunia ni p(er) autra dompna amar. P(er) so men lais era estar. Mas si cum li plaira sia. Q(e)u |
 |
[c. 151vA] lamarai totauia. Enon es nuills hom cui teigna. tant apoderat amors. Calieis non platz qe(m) soueigna. Dels plazers ni dels socors. ca uia trobat aillors. Anz uol q(e) sai mi de- streigna. P(er) tal q(e) nom uol nim deigna. Bona dompna encui reigna. Sens ebel- tatz eualors. soffriretz caissim destreig na. Lo desiriers el amors. siuals dels pla- zers menors. Mifaitz tant don iois mi ueigna. Ecauos nois descoueigna. Chanssoneta uai decors. dir amidonz qet reteigna. pois mi retener no(n) deig- na. |