|
Lan quan li iorn son lo(n)c
emai. mes bels dous ch -
anz dauzels de loing.
Eqan mi soi partitz dell -
ai. Reme(m)bran dun a -
mor deloing. uauc de
talan en broncs clis. si
que chanz ni flors dal -
bes bis. Nom platz plus que li uert geletz.
Iamais damor nom iauzirai. si no(n) gaug
destamor loing. Que gensor ni meillor n(on)
sai. ues nuilla part ni pres ni loing. Tant
es sos pretz uerais efis. Que lai el renc del sa -
rracis. fos eu per leis caitius clamatz.
Iratz eiausens men partrai. Qanuerai ce -
setamor de loing. Que per un ben que men
eschai. Naidos mals si bem soi de loing.
Acon fora dreigs pellegrins. Si ia mos focs
ni mos tapis. fos per sos bels oilli remiratz.
Dieus que fes tot qant es efai. Eformet no -
stramor de loing. Mi don poder qen querra
lai. fu remir cestamor de loing. ueraiamen
en tal aisis. siquela ca(m)bra el iardis. mi sem -
blon maisos epalatz.
Ben para iois qant li querrai. p(er) amor dieu
lalberc de loing. Esai lei platz alb(er)garai.
pres dellei si bem soi de loing. Adoncs pa -
ral parlamenz fis. Quan druz londanz er
tan uezis. Ab bels ditz iausira solatz.
|
