| Raembautz daurenga | Raembautz d'Aurenga |
| I | I |
| B Raitz chanz quil critz aug dels auzels pels plaissa ditz. hoc mas nols deui nils enteing. Cun ram mi seing laon dols mes pren qen sofer. |
Braitz, chanz, quil, critz
aug dels auzels pels plaissaditz.
Hoc! Mas nols devi nils enteing
c’un ram mi seing
la on dols mespren qe·n sofer.
|
| II | II |
| S im fos grazitz. Mos chantars ni ben acu illitz. per cella que ma endesdeing. Daitan mi feing. Que manz bos locs for enbruziz. Mais que no(n) er. |
Si·m fos grazitz
mos chantars, ni ben acuillitz
per cella que m’a en desdeing,
d’aitan mi feing
que manz bos locs for’enbruziz,
mais que non er.
|
| III | III |
| T ristz emaritz. Es mos chantars aisi feniz. per tostemps mais tro quellam deing. pel sieu mantei(n)g. Era mos bons er es deliz. Mas nol sofer. |
Trist e maritz
es mos chantars aisi feniz
per tos temps mais tro qu’ellam deing
pel sieu manteing.
Era mos bons, er es deliz,
mas no·l sofer.
|
| IV | IV |
| I ois mes fugitz. Un pauc mas tost mi fo(n) faillitz. Sanc mi uolc erma endesdei(n)g. Com no(m) esteing. Car precs ni merces ni destritz. Reu noi conquier. |
Iois m’es fugitz!
Un pauc mas tost mi fon faillitz!
S’anc mi volc, er m’a en desdeing.
Com no·m esteing
car precs ni merces ni destritz
reu no i conquier.
|
| V | V |
| M os cors me ditz. P(er) que soi per lei en ueilliz. car saup que nuill autra non deing. P(er)som uestrei(n)g. Morai car mos cors enfolitz mas ges no(n) quer |
Mos cors me ditz: “Per que soi per lei enveilliz?”
“Car saup que nuill’autra non deing,
per so·m vestreing.
Morai, car mos cors enfolitz,
mas ges non quer.
|
| VI | VI |
| C om soi traitz. Bona do(m)nab talan uoutitz ab cor dur anuilas no(n) deing. Mesclaz ab geing. Uol res que torn flacs enduritz ho que de mer. |
Com soi traitz! Bona domn’ab talan voutitz,
ab cor dur, a! Nuil’as non deing,
mesclaz ab geing.
Volres que torn flacs enduritz,
ho que demer!
|
| VII | VII |
| T rop sui arditz. Domna mos cenz eissa boziz. Ma fag dir fols motz queu no(n) deing. Con tra mi reing. Tan soi fors de mon cen issitz. non sem qim fer. |
Trop sui arditz! Domna, mos cenz eissaboziz
m’a fag dir fols motz qu’eu non deing:
contra mi reing.
Tan soi fors de mon cen issitz
non sem qi·m fer.
|
| VIII | VIII |
| M out es petitz. do(m)nal tortz queu uos ai s(er)uitz p(er) que uos maues endesdeign. faitz nes d(e)ue ing. pendutz fos aut per la seruitz. Quia moiller. |
Mout es petitz, domna, ·l tortz qu’eu vos ai servitz,
per que vos m’aves en desdeign.
Faitz n’esdeveing!
Pendutz fos aut per la servitz
qui a moiller!
|
| IX | IX |
|
H umils ses gieing. domna uostre serz fail litz. Merce uos quier. |
Humils, ses gieing,
domna, vostre serz faillitz
merce vos quier.
|