| I | |
| PVois de chantar mes p(re)s talenz. Farai un uers don sui dolenz. Mas no(n) serai obedienz. En pitau nien limozi. |
Puois de chantar m'es pres talenz farai un vers don sui dolenz; mas non serai obedienz en Pitau ni en Limozi. |
| II | |
| quera men irai en eissil. En gran paor et en peril. En guerra lassairai mo(n) fill. Efaran malsiei uezi. |
Qu'era m'en irai en eissil en gran paor et en peril, en guerra lassairai mon fill e faran mal siei vezi. |
| III | |
| Lo departirs mes ai tan grieus. Del seigno- ratge de peiteus. En garda de fol condangie- us. Lais laterra eson cosi. |
Lo departirs m'es aitan grieus del seignoratge de Peiteus; en garda de Folcon d'Angieus lais la terra e son cosi. |
| IV | |
| Si folcos dangieus nol socor. El reis de cui ieu tenc monor. Fara(n) li mal tut li plusor. Felo(n) gasco(n) (et) angeui. |
Si Folcos d'Angieus no·l socor e·l reis de cui ieu tenc m'onor, faran li mal tut li plusor felon Gascon et Angevi. |
| V | |
| Siben no(n) es sauis ni pros. Qua(n)t eu serai pa(r)- titz de uos. Viaz laura(n) tornat enios. Car lo ueira(n) ioue mesqui. |
Si ben non es savis ni pros, quant eu serai partiz de vos viaz l'auran tornat eni os car lo veiran iove mesqui. |
| VI | |
| Per merce prec mon co(m)paigno(n). Sanc li fi tort quil mo perdo. Et il prec en iezu del tro(n) En romans et en son lati. |
Per merce prec mon compaignon s'anc li fi tort, qu'il m'o perdo, et il prec en Iezu del tron en romans et en son lati. |
| VII | |
| De proesa ede ioi fui. Mais ara parte(m) am- bedui. Et eu irai men acellui. On tut pec- chador troban fi. |
De proesa e de ioi fui mais ara partem ambedui, et eu irai m'en a cellui on tut pechador troban fi. |
| Mout ai estat cuendes egais. Mas nostre se ingner nol uol mais. Ar no(n) posc plus soffr- ir lo fais. Tant soi aprochatz de la fi. |
Mout ai estat cuendes e gais mas Nostre Seingner no·l vol mais; ar non posc plus soffrir lo fais tant soi aprochatz de la fi. |
| VIII | |
| Tot ai guerpit quant amar suoill. Cauala- ria et orgoill. Epuois dieu platz tot oacuoill. Eprec lui qem retengabse. |
Tot ai guerpit quant amar suoill cavalaria et orgoill e puois Dieu platz tot o acuoill e prec lui qe·m reteng ab se. |
| IX | |
| Tot mos amics prec alamort. Quieill ue(n)- gan tuit emon ren fort. Quieu ai auut ioi edeport. Loing epres et amo(n) aizi. |
Tot mos amics prec a la mort qu'i eill uengan tuit e m'onren fort, qu'ieu ai avut ioi e deport Loing e pres et a mon aizi. |
| X | |
| Aissi guerpisc ioi edeport. Euair egris esem- beli. |
Aissi guerpisc ioi e deport e vair e gris e sembeli. |