 |
Raembautz daurenga. iii. A ssatz mes bel. Que de nouel. fassa parer. D(e) mon saber. Tot plan als prims sobre sabe(n)z. Que uan co(n) dan. Cab cen denfan. Dic efas mos capteneme(n)z. E sec mon cor. Emo(n) t(ri)st for. Tot acodon el me(s) cossenz. Qui que(m) fauel lomes probel. Damor sa ber. Qui en sai mielz uer. El fals parer. Lai on taing que sia paruez. Que conofan. limielz parlan. Uas mi esai qim nes gui renz. Ab quem demor. Gendinz mon cor. Si quel ditz no(n) passa lasdenz. Don damor dic. Camsi que stric. Leis qa mar deg. Que miels adreg. Seran sert com lam finame(n)z. En rizen sai prengam oim ai. Quels ensegnes coma prendenz. D(e) be(n) a mar. Eneis pregar. amen uenian domnas v. cenz. Ben ai cor ric. plus que no(n) dic. Etan ad reg. Que duc ni reg. Nom prec si no(n) p(re)s eissamenz. Ecui no(m) plai. Eu soi de sai. Et a marai mos ben uolenz. No(n) uoil pregar. Que miels mescar. Com mi prec queu prec moutas genz. De noios tric. Sian del ric. Sobiranreg. Maudic edeg. Dels parliers iamglos mals dizenz. Gic men oimai. Quel dirs no(m) plai. Tan mes lomentaures cozenz. Que sil tut clar. Meron amar. Nols poiria quel cor me(n) uenz. Pauc saup clamar. Qui tem pregar. Di eus quel abais los mal dizenz. Uoill p(re) gar. uers quit dis clar. Caleis enurgel re prezenz. |