 |
| I e me cuidoie partir damours mes riens ne mi uaut li douz ma us damer mocist q(ui) nuit (et) iour mi faut le iour mi fet mai(n)t asaut (et) la nuit ni puis dormir ains plain (et) plour (et) soupir/ biaus douz die(us) la desir mes croi calui nen chaut. |
 |
| N us ne doit amours trair se nest garcons ou ribaus se ce nest par son plaisir ie ni voi ne bas ne haut ains ueil quele mi deuist baut sanz guiler ne sanz faillir mais se ie puis (con)sieuir le serf q(ui) tant set fuir nus na ioie uerz thiebaut. |
 |
| L i cers est auentureus (et) si est blans (com)me nois (et) siales crins endeus plus sors cu(n)s ors espai(n)gnois li sers es e(n) un defois alentree (et) fi esgardez de leus m(u)lt perilleus ce sont felo(n) en uieus qui trop grieuent au courtois |
 |
| O nq(ue)s ch(eua)l(ier)s engoisseus qui a perdu son harnois ne uielle q(ue) art li fuz qui enble feues (et) pois ne chacerz q(ui) prant sois nes cuiers lussirieus nest en moi dolereus (et) si ne sui pas de ceus q(ui) aiment de seur leur pois |
 |
| D ame une riens uous demant cuidiez uous q(ue) soit pechiez docirre son fin ama(n)t oil uoir b(ie)n le sachiez si uous plait si lociez q(ue) le ueil (et) creant (et) se le mielz lamez uiuant ie le uous di en oiant q(ue) ie(n) seroie m(u)lt liez. |