| Jaufre Rudel | |
| I | |
| Lan quan li iorn Jaufre rudel. - | Lanquan li iorn son lonc en mai |
| son lonc enmai. mes bel dous ch | m’es bel dous chans d’auzels de lonh |
| ans dauzels de lonh. equan me soi partitz | e quan me soi partitz de lai |
| de lai. remembram dunamor de lonh. ue(n)t | remembra·m d’un’amor de lonh; |
| de talan en broncx eclis. si cauzels ni flor | vent de talan enbroncx e clis |
| dalbespis. nom platz plus que liuers ge | si c’auzels ni flor d’albespis |
| latz. | no·m platz plus que l’ivers gelatz. |
| II | |
| Iamais damar nom iauzirai. si nom | Iamais d’amar no·m iauzirai |
| gaug destamor de lonh. q(ue) genser ni me | si no·m gaug d’est’amor de lonh, |
| illor non sai. uas nuilla part ni pres | que genser ni meillor non sai |
| ni lonh. tant es sos pretz uerais efis. lai el | vas nuilla part ni pres ni lonh. |
| regne dels sarrazis. fos ieu per leis caitius | Tant es sos pretz verais e fis |
| clamatz. | lai el regne dels sarrazis |
| fos ieu per leis caitius clamatz. | |
| III | |
| Iratz eiauzens men partrai quan ben re - | Iratz e iauzens m’en partrai |
| mir lamor de lonh. que perun be que men | quan ben remir l’amor de lonh, |
| eschai. nai dos mals si bem soi de lonh. ai | que per un be que m’en eschai |
| com fora dreitz pelegris. si ia mos flox ni | n’ai dos mals si be·m soi de lonh, |
| mos tapis. fos per sos bels hueils remiratz. | ai com fora dreitz pelegris |
| si ia mos flox ni mos tapis | |
| fos per sos bels hueils remiratz. | |
| IV | |
| Dieus que fes tot quant es efai. eformet | Dieus que fes tot quant es e fai |
| estamor de lonh. mi do poder quenquera | e formet est’amor de lonh, |
| lai. eu remir cestamor de lonh. ueraiame(n) | mi do poder qu’enquera lai |
| ental iauzis. si que la cambra el iardis. | eu remir cest amor de lonh |
| mi semble maios epalaitz. | veraiamen en tal iauzis: |
| si que la cambra el iardis | |
| mi semble maios e palaitz. | |
| V | |
| Bem parra iois quan li querrai. per | Be·m parra iois quan li querrai |
| amor dieu lamor de lonh. esalei platz | per amor Dieu l’amor de lonh, |
| alberguarai. pres delei si bem soi delonh. | e s’a lei platz alberguarai |
| adonx parra parlamen fis. quan drutz | pres de lei si be·m soi de lonh; |
| loindas er tan uezis. ab bels digz et ab | adonx parra parlamen fis |
| bels solatz. | quan drutz loindas er tan vezis |
| ab bels digz et ab bels solatz. |