| I | |
| Die(us) est. ainsi (con)me li pelli canz. qui fet sonni. el plus halt arbre sus. (et) mauues oisiaux qui uient de ius. ses oisseillo(n)s ocist tant est puanz. li peres uient destroiz (et) angoissous. du bec socist deson sanc dolerous. reuiure. fet tantost ses oisseil lons. die(us). fist autel. q(ua)nt. fu sa passions. deson douz sanc racheta ses enfanz. du deable qui mout. est or puissanz |
Deus est ainsi conme li pellicanz qui fet son ni el plus halt arbre sus, et li mauves oisiaus, qui vient de ius, ses oiseollons ocist: tant est puanz; li peres vient destroiz et angoissous, du bec s'ocist, de son sanc dolereous revivre fet tantost ses oiseillons. Deus fist autel, quant fu sa passions; de son douz sanc racheta ses enfanz du Deable, qui mout est or puissanz. |
| II | |
| Li guerredons en est mau ues (et) lens. quebien ne droit ne pitie na mes nus. ainz est or- guels (et) baras. audesus. (et) felon- nie. traison. (et) bobans. mout p(ar) est ore uostre estas perilleu(us). (et) senefust li examples de ceus. q(ui) tant. aiment (et) noises (et) tenco(n)s ce est des clers. qui ont lessie sar mons. pour guerroier. (et) pour tuer les genz. iames en dieu ne fust nus hom creanz. |
Li guerredons en est mauves et lens, que bien ne droit ne pitie n'a mes nus, ainz est orguels et baras au desus, et felonie, traison et bobans. Mout par est ore vostre estas perilleus; et se ne fust li examples de ceus qui tant aiment et noises et tencons, ce est des clers qui ont lessie sarmons pour guerroier et pour tuer les genz, iames en Dieu ne fust nus hom creanz. |
| III | |
| Nostre chief. fet touz nos men bres douloir pour ce est b(ie)n droiz qua dieu nous en plaignons. (et) grant corpe ra mout. seur les barons. que il poise q(ua)nt aucu(n)s ueut uouloir. (et)entre gent en fo(n)t mout ablamer. qui tant seue(n)t (et) mentir (et) guiler. le mal e(n) font deseur eus reuenir. (et) qui mal quiert mal ne li doit faillir. qui petit mal. pourchache ason pooir li g(ra)n ne doit e(n) son cuer rema noir. |
Nostre chief fet touz nos menbres douloir, pour ce est bien droiz qu'a Dieu nos en plaignons; et grant corpe ra mout seur les barons, que il poise quant aucuns veut vouloir; et entre gent en font mout a blamer qui tant sevent et mentir et guiler; le mal en font deseur eus revenir; et qui mal quiert, mal ne li doit faillir. Qui petit mal pourchace a son pooir, li granz ne doit en son cuer remanoir. |
| IV | |
| Bien deurions en lestoire ue oir. la bataille. qui fu des.ij.dra gons. si (com)len treuue en liure des bretons. dont il couui(n)t les chas tiaux ius cheoir cest cis siecles qui il couuint v(er*)ser. se die(us) ne fet la bataille finer. le senz mel lin en couui(n)t fors issir. pour deuiner.questoit aauenir. mes antecriz uient ce pouez sauoir. anz macues.quanemiz fet mouuoir. |
Bien devrions en l'estoire veoir la bataille qui fu des deus dragons, si com l'en treuve en livre des Bretons, dont il couvint les chastiaux ius cheoir: c'est cis siecle, qui il couvint verser, se Dieus ne fet la bataille finer. Le senz Mellin en couvint fors issir pour deviner qu'estoit a avenir. Mes Antecriz vient, ce pouez savoir, anz macues qu'Anemiz fet mouvoir. |
| V | |
| Sauez quisont. li uil oisel pu ant. qui tuent dieu (et) ses enfa(n) connes. li papelart dont limo(n)s nest pas nes. cil sont puant ort (et)uil(et)mauues. il ocient toute la simple gent. par leur faux mos. qui sont li dieu e(n)fant papelart font le sieclechance. ler(et) par s(aint) peremalles fet. en(con)trer. il ont tolu ioie. soulaz (et) pes. cil porteront e(n)enfer le grief fes. |
Savez qui sont li vil oisel puant qui tuent Dieu et ses enfanconnes? Li papelart, dont li mons n'est pas nes. Cil sont puant, ort et vil et mauves; il ocient toute la simple gent par leur faux mos, qui sont li Dieu enfant. Papelart font le siecle chanceler; et par saint Pere, mal les fet encontrer: il sont tolu ioie, soulaz et pes. Cil porteront en Enfer le grief fes. |
| VI | |
| Or nous doint die(us) lui seruir. (et) amer. (et) la dame. (con)ne doit ou blier. quel nous uueille gard(er) atouz iorz mes. des maux oisia(us) qui ont ueni(n) es bes. |
Or nos doit Dieus lui servir et amer et la Dame, c'on ne doit oublier, qu'el nous vueille garder a touz iorz mes des maux oisiaus, qui ont venin es bes. |