| I | |
| GEs eu nom desconort. Sieu ai p(er)dut. Q(ue)u no(n) chant em deport. Eno maiut. Concob res au- tafort. Q(ue)uai rendut al sei(n)gnor de niort. Ca(r) la uolgut. Epois merceian li soi uengutz dena(n). El coms enp(er)donan. Ma retengut baisan. Ges noidei auer dan. Qui que(m) dises antan. Ni lausengier no(n) blan. |
GEs eu no•m desconort s’ieu ai perdut, qu’eu non chant e•m deport e no m’aiut concob res Autafort qu’eu ai rendut al seingnor de Niort car l’a volgut, e pois merceian li soi vengutz denan, e•l coms en perdonan, m’a retengut baisan, ges no•i dei aver dan, qui que•m dises antan, ni lausengier non blan.
|
| II | |
| Vas mison (per)iurat. Trei palazi. Elqatre uescom- tat. Delemozi. elidui penchenat. Pereigom. eli trei comte fat. Englomezi ensestols abgasto. Etuit lautre baro. Me feron pleuizon. Elo coms de digo. Eraimons dauigno. Etanc uns nom te(n)c pro. |
Vas mi son perjurat Trei palazi E•l catre vescomtat De Lemozin. E li dui penchenat Pereigom E li trei comte fat Englomezi. E•n se prols ab Gasto. E tuit l’autre baro Me feron pevizon. E lo coms de Digo. E Raimons d’Avignon. Et anc uns n•om tenc pro. |
| III | |
|
Si⋅l coms m’es avinens, e non avars, mout li serai valens, en sos affars, e fis com us argens, humils et ars, e⋅l coms fassa lo sens, que fai l’amars. Quan ren i chai de bon, vol que ab lui s’esto, e so que no⋅l te pro, gieta fors el sablo. Aisi taing de baro, que teigna so perdo, e s’el tol que pois do.
|
|
| IV | |
| V | |
| Lo comte uoill pregar. Que ma maison. Mi co- mant agardar. Oque lam don. Cades mi son au- ar. Tut sist baron. Cab els no(n) puosc estar. Sos co(n) tenson. Ara mi pot cobrar.lo coms ses mal estar. Et ieu uas lui tornar. Eseruir et ornar. Enono uolgui far.Tro cal desampart. Siu unengutz de nai- mar. |
Lo comte voill pregar que ma maison mi comant a gardar o que la•m don, c’ades mi son avar tut sist baron, c’ab els non puosc estar sos contenson Ara mi pot cobrar lo coms ses malestar. Et ieu vas lui tornar e servir et ornar. E no no volgui far. Troc'al desamparat. Soi unengutz de N'Aimar. |
| VI | |
|
Domna ab cor avar, de prometr’e de dar, puois no⋅m volez colgar, domnases m'un baisar. |