| ⸿Raembautz daurenga. | Raembautz d’Aurenga | |
| I | ||
| Non chant p(er) auzel ni p(er) flor. ni p(er) neu ni p(er) gelada. ni neis p(er) freich ni per calor. ni p(er) reuerdir deprada. ni p(er)nuill autre esbaudimen. Non chan ni non fui chantaire. Mas p(er)midonz en cui menten. car es delmon labeillaire. |
Non chant per auzel ni per flor, ni per neu ni per gelada, ni neis per freich ni per calor, ni per reverdir de prada, ni per nuill autr’esbaudimen non chan ni non fui chantaire; mas per midonz en cui m’enten car es del mon la beillaire. |
|
| II | ||
| Ar sui partitz dela peior. Canc fos uista nitrobada. Et am del mon labellazor. dompna ela plus prezada. Efarai ho almieu uiuen. Que daltres non sui a maire. Car ieu cre quill a bon talen. ues mi segon mon ueiaire. |
|
|
| III | ||
| Ben aurai dompna grand honor. Si ia de uos mes iutgada. honranssa que sotz cobertor. Uos tenga nuda enbrassa da. Car uos ualetz las meillors cen. q(ue)u non sui sobregabaire. Sol del pretz ai mon cor gauzen. plus que sera empe raire. |
Ben aurai, dompna, gand honor si ia de vos mes iutgada honranssa que sotz cobertor vos tenga nuda enbrassada car vos valetz la meillors cen! Qu’eu non sui sobregabaire; sol del pretz ai mon cor gauzen plus que sera emperaire. |
|
| IV | ||
| Demidonz fatz dompna eseignor. Cals que siail destinada. Car ieu begui dela amor. Que iaus deia amara celada. ab tristan qan lail det yseus gen. Label la non saup faire. Et ieu am p(er) ai tal couen. Midonz don no(n) posc estrare. |
De midonz fatz dompna e seignor c’als que sia‧il destinada, car ieu begui de la amor que ia‧us deia amara celada ab Tristan qan la‧il det Yseus gen la bella non saup faire et ieu am per ai tal coven midonz don non posc estrare. |
|
| V | ||
| Sobre totz aurai gran ualor. Saitals camisa mes dada. Cum yseus det ala mador. que mais non era portada. tri stan mout presetz gent presen. daital sui eu enquistaire. Sil me dona cill cui menten. nous port enueia bels fraire. |
|
|
| VI | ||
| Veiatz dompna cum dieus acort. do(m)pna que damar sagrada. Qiseutz estet engr(n)n paor. puois fon breumens conseillada. Quil fetz ason marit crezen. Canc hom que nasques demaire. non toques en lieis mantenen. atrestal podetz uos faire. |
|
|
| VII | ||
| Carestia esgauzimen. Maporta daicel repaire. On es midonz qem ten gauzen. plus qieu eis non sai retraire. |
Carestia, esgauzimen m’aporta d’aicel repaire on es midonz qe‧m ten gauzen plus q’ieu eis non sai retraire. |