|
P Vois de chantar mes p(re)s
talenz. Farai un uers don
sui dolenz. Mas no(n) serai i
obedienz. En pitau nien
limozi.
q uera men irai en eissil.
En gran paor et en peril.
En guerra lassairai mo(n) fill.
Efaran malsiei uezi.
Lo departirs mes ai tan grieus. Del seigno-
ratge de peiteus. En garda de fol condangie-
us. Lais laterra eson cosi.
Si folcos dangieus nol socor. El reis de cui
ieu tenc monor. Fara(n) li mal tut li plusor. Felo(n)
gasco(n) (et) angeui.
Siben no(n) es sauis ni pros. Qua(n)t eu serai pa(r)-
titz de uos. Uiaz laura(n) tornat enios. Car lo i
ueira(n) ioue mesqui.
Per merce prec mon co(m)paigno(n). Sanc li fi
tort quil mo perdo. Et il prec en iezu del tro(n)
En romans et en son lati.
De proesa ede ioi fui. Mais ara parte(m) am-
bedui. Et eu irai men acellui. On tut pec-
chador troban fi.
Mout ai estat cuendes egais. Mas nostre se
ingner nol uol mais. Ar no(n) posc plus soffr-
ir lo fais. Tant soi aprochatz de la fi.
Tot ai guerpit quant amar suoill. Cauala-
ria et orgoill. Epuois dieu platz tot oacuoill.
Eprec lui qem retengabse.
Totz mos amics prec alamort. Quieill ue(n)-
gan tuit emon ren fort. Quieu ai auut i
ioi edeport. Loing epres et amo(n) aizi.
Aissi guerpisc ioi edeport. Euair egris esem-
beli.
|
