| I | |
| Dvn seruentes nom cal far longor gan da. Tal talenai qel digueqel espanda. Car nai rason tan nouelle tan gran da. Del ioue rei qa fenit sa demanda. Sos frairs richarz puois sos pairz lo comanda. Tant es forsaz. Puois na enrics terra non ten nimanda. Sia reis dels maluaz. |
D'un serventes no·m cal far longor ganda tal talen ai qe·l digu'e qe·l espanda car n'ai rason tan novell'e tan granda del Joue Rei q'a fenit sa demanda sos frairs Richarz puois sos pairz lo comanda tant es forsaz puois n'Aenrics terra non ten ni manda sia reis dels malvaz. |
| II | |
| Qe maluaz fai car aissi uiu aranda. De liu rason acomte agaranda. Reis coronaz qe dautrui pren liuranda. Mal semblar naut lo marqes de bellanda. Nil pro guillem qi (con)quis tormilman da. Tan fo prezaz. puois en peitau lur ment els atruanda. Noi er mais tant amaz. |
Qe malvaz fai car aissi viu a randa de liurason a comt'e a garanda reis coronaz qe d'autrui pren liuranda mal sembl'Arnaut lo marqes de Bellanda ni·l pro Guillem qi conquis Tor Milmanda tan fo prezaz puois en Peitau lur ment e·ls atruanda no·i er mais tant amaz. |
| III | |
| Iaper dormir non er decoberlanda. Re - is des engles ni conquerra islanda; ni tenran iou ni mon saurel ni ganda; Ni de peiteu non aura la miranda. Ni ducs clamaz de la terra normanda. Sai de bordel ni dels gascoms part landa. Seingner ni de bassaz. |
Ja per dormir non er de Coberlanda reis des engles ni conquerra Islanda ni tenr'Anjou ni Monsaurel ni Ganda ni de Peiteu non aura la miranda ni ducs clamaz de la terra normanda sai de Bordel ni dels Gascoms part landa seingner ni de Bassaz. |
| IV | |
| Conseill ueill dar el son de nalamanda. lai a n richart si tot nol om demanda. Ja per son frair mais sos homes non blan da. Non [...] fael a[...]z aseria els atanda. Tol lur chastel ederoqe abranda. De ues toz laz. El reis tornei lai ab sels de garlanda. Elautre sos coingnaz; |
Conseill veill dar el son de N'Alamanda lai a N·Richart si tot no lo·m demanda ja per son frair mais sos homes non blanda non [...] fa el a[...]z aseria e·ls atanda tol lur chastel e deroq'e abranda deves toz laz e·l reis tornei lai ab sels de Garlanda e l'autre sos coingnaz. |
| V | |
| Lo coms jaufres cui es Breselianda; vol gran fos premiers naz. |
Lo coms Jaufres cui es Breselianda volgran fos premiers naz. |
| VI | |
| Car es cortez efos en sa comanda. Reielmes el ducaz. |
Car es cortez e fos en sa comanda rejelmes e·l ducaz. |