| I | |
| Dvn seruentes nom cal far longor gan da. Tal talenai qel digueqel espanda. Car nai rason tan nouelle tan gran da. Del ioue rei qa fenit sa demanda. Sos frairs richarz puois sos pairz lo comanda. Tant es forsaz. Puois na enrics terra non ten nimanda. Sia reis dels maluaz. |
D'un serventes nom cal far longor ganda. Tal talenai qel digue qe l'espanda. Car n'ai rason tan novelle tan granda. Del Ioue Rei q'a fenit sa demanda. Sos frairs Richarz puois sos pairz lo comanda. Tant es forsaz. Puois n'a Enrics terra non ten ni manda. Sia reis dels malvaz. |
| II | |
| Qe maluaz fai car aissi uiu aranda. De liu rason acomte agaranda. Reis coronaz qe dautrui pren liuranda. Mal semblar naut lo marqes de bellanda. ral pro guillem qi (con)quis tormilman da. Tan fo prezaz. puois en peitau lur ment els atruanda. Noi er mais tant amaz. |
Qe maluaz fai car aissi viu a randa. De liu rason a comte a garanda. Reis coronaz qe d'autrui pren liuranda. Mal semblar naut lo marqes de Bellanda. ral pro guillem qi conquis Tor Milmanda. Tan fo prezaz. puois en peitau lur ment el sa truanda. Noi er mais tant amaz. |
| III | |
| Iaper dormir non er decoberlanda. Re - is des engles ni conquerra islanda; ni tenran iou ni mon saurel ni ganda; Ni de peiteu non aura la miranda. Ni ducs clamaz de la terra normanda. Sai de bordel ni dels gascoms part landa. Seingner ni de bassaz. |
Ia per dormir non er de Coberlanda Reis des engles ni conquerra Islanda ni tenr'Aniou ni Monsaurel ni Ganda; Ni de Peiteu non aura la miranda. Ni ducs clamaz de la terra normanda. Sai de Bordel ni dels Gascoms part landa. Seingner ni de Bassaz. |
| IV | |
| Conseill ueill dar el son de nalamanda. lai a n richart si tot nol om demanda. Ja per son frair mais sos homes non blan da. Non [...] fael a[...]z aseria els atanda. Tel lur chastel ederoqe abranda. De ues toz laz. El reis tornei lai ab sels de garlanda. Elautre sos coingnaz; |
Conseill ueill dar el son de n'Alamanda. lai a n richart si tot nol om demanda. Ja per son frair mais sos homes non blanda. Nonca is fai el a[...]z aseria els atanda. Tel lur chastel ederoqe abranda. De ues toz laz. El reis tornei lai ab sels de garlanda. Elautre sos coingnaz; |
| V | |
| Lo coms jaufres cui es Breselianda; vol gran fos premiers naz. Car es cortez efos en sa comanda. Reielmes el ducaz. |
Lo coms Jaufres cui es Breselianda; volgran fos premiers naz. Car es cortez e fos en sa comanda. Reielmes el ducaz. |