[c.195vD]
 |
Peire dalu(er)ne. xl. C Antarei daquetz trobadors. Quichanto(n) de ma(n)tas colors. El peier cuida dir mot gen. Mas achantar lor er aillors. Q(ue)ntremetren uei cent pastors. Cus no(n) sap q(ue)s mo(n)ta os d(e)isse(n). D aisso mer mal peire rogiers. P(er) ques ner en- colpatz p(re)miers. Quar chanta damor apresen. Eualgra li mais uns saltiers. En la gleisa ou(n)s candelers. Tener ab gran candella arden. E l segonz guirautz de borneill. Quise(m)bla oire sec asoleill. Abson chantar magre dolen. Ques chans de uiella porta seill. Que ses miraua enes- peill. Nos presaria un aguillen. E l tertz bernatz de l[1] uentadorn. Ques me(n)re de borneill un dorn. En son paire ac bon siruen. P(er) trair abar manal dal born, Esa maire escalfau- al forn. Et amasaua le sermen. E l quartz de briual lemozis. Uns ioglars qes plus quere(n)tis. Q(ue) sia tro q(ue)n bonauen. Esembla- ria us pelegrins. Malautes qua(n)t chantal mes- quis. Cab pauc pietatz nomen pren. E nguillems de ribas lo quinz. Ques maluaz de fors edinz. Edi toz sos uers raucamen. P(er) qe es auols sos retinz. Quatretan se(n) faria us pinz. Eloill senblon de not clarien. E l seies grimoartz gaumars. Q(ue)s caualliers es fai ioglars. Eprega dieu qui lo co(n)sen. Nil do- na uestirs uertz ni uars. Que tals er adobatz semprars. Q(ue)n ioglarit sen seran cen. A barnautz daniels son set. Qua(n)c nuilla ren be(n) no(n) chantet. Efai uns motz qoms nols e(n)ten. Qua(n)c pois p(er) soberna nadet. Ni la lebre ablo bou chacet. Sos chanz n(on) ualc un aguillen. L i huich es bernartz de saesac. Qua(n)c un sol bo(n) mestier n(on) ac. Mais danar menutz dons queren Et anc pois nol prezen un brac. Pois an b(er)tran de cardailac. Q(ue)s un uiel ma(n)tel suzolen. E lo nouems es en rambautz. Q(ue)s fai de so(n) tro- bar trop bautz. Mas eu lo torni en nien. Qil no(n) es alegres ni chautz. P(er) so pretz aitan los pipatz. Que uan las almosnas queren. E nebles de sagnal dezes. Acui anc damor no uenc bes. Si tot se chanta de toi den. Us uilanez enflatz plaigues. Que dison q(ue) p(er)dos pogues. Laise loga echai senen. [1] l sbarrata.
|
[c.196rA]
 |
E lunzens gonzalgorotz. Ques fai de so(n) chan t(ro)p formitz. P(er) quel caualaria ifen. Et anc p(er) lui n(on) fo feritz. Bons colps tant fort no fo garnitz. Si doncs nol trobet enfugen. E l dozes uns uiels lombartz. Q(ue) clama sos uezis coartz. Et eissent del espauen. P(er) so sonez fai mo(n)t gaillartz. Ab motz maire moi(n)z ebastartz. Elui apellon cosseden. P eire dalu(er)ne atal uoz. Q(ue) no(n) chanta sus ni desoz. Elaudas mont atota gen. P(er) so maestres d(e) totz. Ab cun pauc sclaris sos motz. Apena nulz hom los enten. L o uers fo faitz als enflabes. Apoi uert tot io- gan riden. |