|
Canso ar(naut)z. danielh. don mot son plane p(ri)m.(?) fas pus ar botonon li uim. el aussor sim. son de color. de mainhta flor. e reuer dis la fuelha. el chant el braylh. son al ombraylh. dels auzeletz per la bruelha. |
Arnautz Danielh Canso don mot son plan e prim . fas pus ar botonon li vim, e l’aussor sim son de color de mainhta flor, e reverdis la fuelha, e.l chant e.l braylh son’a l’ombraylh dels auzeletz per la bruelha. |
|
Pels bruelhs aug lo chan el refrim. e per quom no men fas sa crim. obri e lim. motz de ua lor. ab art damor. don non ai cor quem tuelha. ans si be(m) falh. la sec a tralh. on plus uas mesor |
Pels bruelhs aug lo chan e.l refrim, e per qu’om no m’en fassa crim obri e lim motz de valor ab art d’Amor, don non ai cor que.m tuelha; ans, si be.m falh, la sec a tralh, on plus vas me s’orguelha. |
|
Re no ual orguelh guelha. damador. qua des trabuca son senhor. de luec aussor. bas elh terralh. per tal trebalh. que de ioy lo despuelha. dreitz es la cri(m). (et) art e rim. sel que damor ian |
Re no val orguelh d’amador qu’ades trabuca son senhor de luec aussor bas elh terralh, per tal trebalh que de ioy lo despuelha: dreitz es lacrim, e art e rim, sel que d’amor ianguielha. |
|
Bona dona uas cuy guielha. azor. ges per erguelh no uau al lor. mas per paor del deuinalh. don ioys trassalh. fauc semblan que nous uuelha. quanc nons iauzim. de lur noyrim. mal mes que lor ocuelha. |
Bona dona vas cuy azor, ges per erguelh no vau allor, mas per paor del devinalh don ioys trassalh, fauc semblan que no.us vuelha, qu’anc no.ns iauzim de lur noyrim: mal m’es que lor o cuelha. |
|
Arai fam damor don badalh. e non sec mezura ni talh. sols mo engualh. quanc non auzim. del temps caym. amadormeyns acuelha. cor trichador. per que mos ioys capduelha. |
Ar ai fam d’amor don badalh e non sec mezura ni talh; sols m’o engualh qu’anc non auzim del temps Caym amador meyns acuelha cor trichador: per que mos ioys capduelha. |
|
Si bem uauc per tot ad esdalh. mos pessamens lai uos assalh. quieu clam e ualh. per ioy que(n)s fim. lai on partim. don souen. luelh me muelha. dirae de plor. e de doussor. pro ai damor que(m) |
Si bem vauc per tot ad esdalh mos pessamens lai vos assalh, qu’ieu clam e valh per ioy que.ns fim lai o.n partim, don soven l’uelh me muelha d’ira e de plor e de doussor: pro ai d’Amor que.m duelha. |
|
Dona qui ques des duelha. tuelha. arnautz dreg cor lai ous honor. quar uostre pretz caduella. |
Dona, qui que.s destuelha, Arnautz dreg cor lai o.us honor quar uostre pretz caduella. |