 |
arnauz. daniel.
A Ns quels sims reston dels branchas. secs ni despu
elhon de fuelha. fas q(ua)r
amors mo comanda.
breu chanson de razon longa.
quar gen ma ducx de las artz
delescola. tan sai quel cors fas
restar de suberna. e mos buous
es trop plus couens que lebres.
Q uab razos cuyndas e fra(n)chas. ma mandat que nom destuelha.
ni autra non prec nin blanda.
pus tan fai quab si macuinda.
em ditz que flors no semble
ni uiola. quem cange leu si
tot no quas yuerna. mas per
samor sia laur o genibres.
E tu quab ioy non ta franhas. per esper quamors tacuelha.
sec sit desfuy nit fai guanda.
que greu er quom noy apon
ga. quis afortis de preyar e
noy cola. quieu passarai part
la palutz duzerna. cu(m) pelegris
|
 |
o lai per on cort ebres.
S ieu nai passatz pons ni plan chas. per lieys cujatz quieu me(n)
duelha. no fas quab ioy ses uia(n)
da. me sap far mezina coynda.
baizan tenen el cor si tot mi uo
la. nos part de lieys quil capdel
el gouerna. cor on q(ui)eu man de
lieys not luyns nit sebres.
A ns dic qualhors no(n) testanchas. per autra quet prec nit uuelha.
son uoler fuy e desmanda. sai e
lai qui quet somonga. gran so(n)
dan fai qui si meteys afola. e tu
no fassas res per quom tesquer
na. mas a pres dieu lieys honors
e celebres.
G es de paris tro qua sanchas. genser nos uest nis despuelha.
e sa beutat es tan granda. que
semblariaus messonga. bem
uai damor quelham baize ma
cola. per so nom poy ferir neus
ni bolerna. nim fai sentir dolor
guota ni febres.
S ieus es arnautz del sim tro en la sola. e no uuelh ges ses
lieys auer lucerna. nil senho
riu del renc p(er) on cort ebres.
|