 |
REis glorios uerais lums e clardatz Dieus poderos senher si a uos platz Al mieu c(om)panh siatz fizes aiuda Qui eu nol ui pois la nueitz fo ue(n)guda Eszades sera lalba. |
 |
Bel companho si dormes ho ueilhatz Non dormas plus senher si auos platz Quen aurien uer le stella creguda Q amenal iorn quieu lai en conoguda Eszades sera lalba |
  |
Bel companho en cantan uos apel Non dormas plus quieu aug ca(n)ta ausel Que uai queren lo iorn p(er) lo boschatge Eszai paor quel gelos uos assatge Sius confes anans lalba |
 |
Bel companho pos me parti de uos Dieu non dormi nim muc de genoilhos Ans preguiei dieu lo filh sancta maria Queus mi rendes p(er) leial companhia Eszades sera lalba |
 |
Bel companh(o) isses al fenestrel Eszesgardas las stellas del sel Conoisses si us sui fizels messatges Si non ofaitz uostres ner lo da(m)pnatge(s) Eszades sera lalba |
 |
Bel companho la foras al perros Mi pregauas quieu no(n) fos dormeilhos Enans ueilhes tuta nueg tro aldia Ara nous plai mo chans ni ma paria Eszades sera lalba |