Rei ioglorios uerais lums eclaratz. dieus poderos senher si auos platz. almieu com panh sias fizels aiuda.quieu non la ui pos lanueitz fon uenguda. (et) ades cera lalba. |
|
Bel companho si dormetz ho ueillatz ne dor mas plus senher si auos platz. quen orien uei lestela creguda camenal iorn quieu lai ben conoguda. (et) ades cera lalba. |
|
Bel companho enchantan uos apel. non dormatz plu quieu aug chantar lauzel. que uai queren lo iorn per lo boscatge. (et) ai paor quel gelos nos asatge. sais conser enant lalba. |
|
Bel companho pos me partir deuos. ieu no(n) dormi nim moc de ginoillos. ans preguei dieu lo fill sancta maria. queus mi rendes per leial companhia. (et) ades cer(a) lalba. |
|
Bel companho issetz alfenestrel (et) enguar datz las ensenhas del cel. conoiceretz sius soi fizels mesatges. si non ho faitz uostr es ner lo dampnatges. (et) ades cera lalba. |
|
Bel companho laforas alspeiro. mi preiuatz quieu nofos dormillos. enans ueilles tota nu eit tro aldia. ara nous platz mos chans ni ma paria. (et) ades cera lalba. |