| bernartz del uentador. Tant ai mon cor plen de ioia. tot meis de natura. flors blancha uer meille groia. me sembla freichura. a lo uent (et) a la plueia mi uen auentura. p(er) qe mos pretz mont e pueia. e mos chanz meillura tant ai al cor damor. de ioi (et) de douzor. q(ue) legels me sembla flor. e la neus uerdura. |
| Anar puesc senz uestidura. nutz e ma camisa. pos finamors masegura. de la freida biza. mas folz hom se desmesura. qi nos (t)[1]en deguiza. p(er) qeu na prez demi cura. pos laguien quiza. la plus bella damor. don aie(u)[2] gran honor. senes lieis ab maricor. no(n) uolg rauer friza. |
| De samistat mi (t)[3]eisa. mas eu nai conqisa la bella semblansa. (et) ai en ama deuiza. tant ben ananza qe ia iorn qieu laia uiza non aurai pesanza. lo cor ai plen damor. qe lesperit el cor. el cors es sai aillor. loi(n)g de lieis efranza. [3] Il copista scive inizialmente reisa, poi espunge r e corregge con t.
|
| Ieu nai bon esp(er)anza. mas petit ma onda. catressi (s)[4]ui emblanza con la naus en londa. del mal pens qem desenanza. no(n) sai on mesco(n)da. tota nueg me uir. em lansa de sobre lesponda. peigz trai pena damor. de tristan lamador. qi suffri mainta dolor. p(er) iseutz la blonda. |
| Ai deus car sembles gronda qe uoles p(er) laire. euengues denueg prionda. ins en son repaire. la bella do(m)na iauzionda. uostre fiz amaire. a paor qel cors noil fonda. sai sil dura gaire. do(m)na uas uostre amor. iong mas mans e ador. gen(t)[5] cors ab fresca color grant mal me faitz traire. |
| El mon non a nuil afaire. don ieu tant consire. ni cant cug de lieis retraire. qe de ioi nom uire. e mos semblantz no(n) sesclaire. cui qe lauia dire. si cades mi es ueiaire. cai talan de rire. talan de bon amor. qe maintas ues em plor. pero qe meilhor sabor men an suspire. |