 |
Bernartz deuentedorn. ARa non uei luzir soleill. Ta(n)t mi son escurzit li rai. E ies per aisso nom esmai. Cuna clardatz mi soleil la. Damor qinz el cor mi raia. Eqand autra gens sesmaia. Eu meillur enans que sordei. P(er) que mos chans nois sordeia. Prat mi semblon uert euermeill. Aissi cum el doutz temps demai. sim |
 |
ten fin amors coinde egai. neus mes flors blanca euermeilla. Et iuerns calenda maia. Qeil gensser ela plus gaia. Ma promes q(ue) samor mautrei. Sanqer no lam desautreia. Paor mi fant maluatz cosseill. Per qel segles mor edechai. Caras sacoston li sauai. Elus ab lautre cosseilla. Cossi finamors deschaia. A maluaza gens sauaia. Qui uos ni uostre cosseill crei. Dompnidieu p(er)da edescreia. Daqestz mi rancur em coreill. Car mi fan ira (et) esglai. Epesa lor del ioi qieu ai. Epois chascus sen coreilla. Delautrui ioi ni sesmaia. Ia ieu meillor dreich non aia. Cab sol deport uenz egerrei. Cel qui plus fort mi gerreia. Nuoich eiorn plor cossir eueill. Pens esospir epuois mapai. On mieills me- sta (et) ieu pieitz trai. Mas us bos respi- eitz mesueilla. Don mos cossiriers sa paia. Fols p(er) que dic que mal traia. car aitan ric amor enuei. Pro nai de sola lenueia. Ia ma dompna nois meraueill. Sil qier qem don samor nim bai. Contra la foudat qieu retrai. Farai genta me- raueilla. Sil ia ma colla nim baia. Er ia doncs com mi retraia. A cal uos ui ecal uos uei. P(er) benananssa qem ueia. Bernartz clama sidonz mercei. Uas cui tant gen si merceia. E si eu en breu no la uei. Non crei q(ue) longas la ueia. |