| I | |
| Seigneurs sachiez qui or ne sen ira; en cele terre ou dex fu mors et uis. et qui la croiz doutremer ne prendra; a paines mes ira en paradis. qui en soi a pitie ne remenbra(n) ce. au haut seigneur doit q(ue)r re sa ueniance. et deliurer sa terre et son pais. |
Seigneurs, sachiez: qui or ne s’en ira en cele terre ou Dex fu mors et vis et qui la croiz d’Outremer ne prendra, a paines més ira en Paradis. Qui en soi a pitié ne remenbrance, au haut Seigneur doit querre sa venjance et delivrer sa terre et son païs. |
| II | |
| Tuit li mauues demorront par deca; qui naiment dieu bien ne a mor ne pris. et chascuns dit ma fame que fera; ie ne le roie anul fuer mes amis. cil sont cheet en trop fole ate(n) dance. qil nest amis fors que cil sanz dotance. qui fu pour nos en la uraie croiz mis. |
Tuit li mauvés demorront par deça, qui n’aiment Dieu, bien ne amor ne pris; et chascuns dit: «ma fame que fera? je ne leroie a nul fuer mes amis.» Cil sont cheet en trop fole atendance, q’il n’est amis fors que cil sanz dotance, qui fu pour nos en la vraie croiz mis. |
| III | |
| Or sen iront cil uaillant cheualier; qui aiment dieu et leneur de cest mont. qui sagement uuelent adieu aler; et li morueus li cendreus de morront. auugle sont de ce ne dout ie mie. qui un secors ne fet dieu en sa uie. et por si pou pert la gloire du mo(n)t. |
Or s’en iront cil vaillant chevalier qui aiment Dieu et l’eneur de cest mont, qui sagement vuelent a Dieu aler, et li morveus li cendreus demorront; avugle sont, de ce ne dout je mie. Qui un secors ne fet Dieu en sa vie, et por si pou pert la gloire du mont. |
| IV | |
| Dex se lessa por nos en croiz pener; et nos dira au ior ou tuit uendront. uous qui ma croiz maidastes aporter; uos en iroiz ou tuit mi angre so(n)t. la me uerrois et ma mere ma rie. et uos par qui ie noi onq(ue)s aie; descendroiz tuit en enfer le parfont. |
Dex se lessa por nos en croiz pener et nos dira au jor ou tuit vendront: «Vous qui ma croiz m’aidastes a porter, vos en iroiz ou tuit mi angre sont; la me verrois et ma mere Marie. Et vos par qui je n’oi onques aïe descendroiz tuit en enfer le parfont.» |
| V | |
| Chascuns cuide demorer tout hetiez; et que iames ne doie mal auoir. ensi les tient anemis et pechiez; que il nont sens hardement ne pouoir. biau sire dex ostez leur tel pensee. et nos metez en la uostre contree; si sainte ment que uos puissons uoir. |
Chascuns cuide demorer tout hetiez et que jamés ne doie mal avoir; ensi les tient anemis et pechiez que il n’ont sens, hardement ne povoir. Biau sire Dex, ostez leur tel pensee et nos metez en la vostre contree si saintement que vos puissons voir. |
| VI | |
| Douce dame roine coronee. priez pour nos uirge boneu ree. et puis apres ne nos puet mescheoir. |
Douce dame, roïne coronee, priez pour nos, Virge bon eüree! Et puis aprés ne nos puet mescheoir. |