[c. 61rb]
 |
Enuis sent mal qui ne la apris garir lestuet ou morir ou remai(n) dre. (et) li miens max la dont ie ne mos plai(n) dre icil par est sor tos poesteiz morir en uoill mes q(ua)nt me uient deuant lesperan ce de la grant ioie atendre. lors me con fort. uoire qui poist tant sosfrir en pais Et cil qui est damors mes ne puis ce mest uis si entrepris quil li estuet a sa uolente maindre m(ou)t me merueil sa mors se puet tant faindre uers moi qui sui a ma dame ententis. des puis que ui son biau cors droit (et) ge(n)t (et) son uis qui trop me fait destraindre non quide pas trouer si deceuant co(m) il estoit en cor men ua il pis. Mes cil q(ui) sert et merci iatent cil doit auoir ioie fine (et) entiere. (et) ie qui nos u(er)s lui fere priere tant par redout son escondisse ment. ien deusse partir uoire par foi. mes ie ne puis ueoir en quel maniere. |
[c. 61va]
 |
estre ne puet einsi a li motroi quen mon dangier nest ele de noient. Des ore mes uueil prier en chantant. (et) se li plaist ne me sera tant fiere. car ie ne cuit que nus hom qui requiere merci damors q(ui) nait le cuer plorant que se pitiez li chiet aus piez por moi si dout ie m(ou)t que ie ne la (con)quiere einsi ne sai si faiz sen ou foloi quant cist esgarz na pas son iugement Se ma dame ne prent aucun conroi de moi qui laim par si g(ra)nt couuoitise. m(ou)t la desir (et) sele me despise qui noia tot par soi. noiez sui pres loing est ma gariso(n)s sentendre ie toz iors a son seruice. m(ou)t uol droie quele en seust ma foi. Dame mer ci quaie de uos pardon se ie uos aim ci a bele entreprise. ie ne puis pas b(ie)n couurir ma raison si le saurez encor si com ie croi. |