[c. 73rb]
 |
Une chose baudoui]n[ uo]z[ de mant sil auenoit a fin l]e[ial ami qui sa dame a amee longuement (et) priee tant que ele en a merci (et) li mande que parler uiegne a li tot por sa uolente fere que fera il tot auant por li plaire quant li dira biaux a mis bien ueigniez baisera il ou sa Sire ie lo que il premierement en bouche ou sez piez. la bouche la baist car ie uoz di que baisier la bouche |
[c. 73va]
 |
au cuer descent une doucors dont so(n)t tuit a compli li grant desir par quil sentraiment si (et) ioie qui cuer esclaire ne puet celer loiaus amis. ne traire. einz li semble qui soit toz alegiez q(ua)nt de la bouche a sa dame est baisiez Baudouin uoir ie nen mentirai ia qui sa dame uelt tot auant baisier en la bouche onques le cuer nama. q(ue)insi baise en la fille a .i. bergier. iai(n) mielz baisier sez piez (et) mercier que faire si grant outrage. len doit cui dier que sa dame soit sage. (et) sens do ne que granz humelitez doit bien ua loir a estre mielz amez. Sire iai b(ie)n oi dire pieca cumelitez fet lamant a uancier. (et) puis quamors par humi lite la tant auancie que rende le loier. lun ait cele qui tant laime (et) tant chi er. ie di quil feroit folage. sen la bou che ne le baise. car iai oi dire (et) uos bien le sauez qui bouche lait pour piez cest nicetez. Baudouin uoir |
 |
ice ne di ie pas q(ue)n laist sa bouche por les piez auoir. mes baisier uueil sez piez inelle pas (et) puis apres sa bouche amon uoloir. (et) son biau cors q(ue)n ne tient mie a noir. (et) sez biaux ex (et) sa face (et) son chief blont qui le fin or efface. mes uos estes baus (et) des mesurez si semble bien que poi da mors sauez. Sire bien est (et) recrea(n)s et las qui congie a de baisier (et) dauoir le douz solaz du cors lonc graile (et) gras et met douceur de bouche en non cha loir por piez baisier ne fait mie sa uoir ia dex ne doint que il face ia mes chose par quoi il ait sa grace que mil tans est li baisiers sauorez q(ue) cil des piez assez Baudouin cil qui tant chace quant il a taint bien se |
[c. 73vb]
 |
tient a eschace q(ua)nt a sez piez ne chiet toz enclinez ie di quil est dea blez forsenez. Sire cil qui amors lace ne puet muer quant il a lieu nespace quassouuir puist toutes ses uolentez. tost nait les piez por la bouche oubliez. |