 |
li rois de nauarre Ie ne puis pas bien metre en non chaloir; que ie ne cha(n)t quant amours men semont. que de cai ie le greigneur duel du mont. que ie nos pas descouurir ma pensee. ce do(n)t |
 |
ie uoi les autres deceuoir. tex fet senblant damer qui point ni bee. pour ce chant ie que gen refraig mon plor. et sen atent ioie apres ma dolor. Ceste chose me deuroit b(ie)n seoir; qui est sanz riue et ni a point de fons. et sil est nus quautrement men repont ie len aurai mult tost reson moustree. quapres granz max ce set on tout de uoir; est ma inte foiz grant ioie recou uree. sil ensi est dont nai ie pas poor; que de mes maus naie bien le retor. Ice re tor dex et quant laurai gie; certes dame de uos sole late(n)t. les uoz biautez et uostre fin senblant. me font auoir une bone esperance. et si ne sai se ie ai dit folie. que mult re |
 |
dout de uos fausse senblance. ensi le di que ne men puis celer. ne ne men puis partir ne re mouuer. Du remuer ie ne prendrai congie; nel feroie pour riens qui soit uiuant. si iparra quant mis men sui en tant que iatendrai quels sera ma cheance. et couurerrai ensi mon cuer irie. et si saurai samors a conoissance. ne sele set ami guerredoner. ia ni p(er) drai por belement celer. Ce ler dit on que mult uaut a ami; mes ne men puis a(per) ceuoir de rien. li miens celer(s) me fet plus mal que bien; que iangleor qui poignent et atisent. uont tant parla(n)t que tantost ont merci. ne le mentir une feue ne prisent. et ie madame auos me rent pensis. hunbles celanz c(on) fins loiaus amis. Nus hons n(er)t ia de bien amer espris; sil de cu er deceuanz et faintiz. |