 |
li rois de nauar re Tout autresi con fraint nois et yuers; que uient estez que li |
 |
douz tens repaire. deust faindre li faus prierres sers; et fins amis amender son afaire. et ie dot m(u)lt qil ne mi soit diuers; se il touz est aus autres debonaire. mes tant me fi la ou biautez repaire. qaymanz sui se tout nest uers Par dieu amors ainz serai uains et moi fiers. pers; et plus des troiz que cil qui porte haire. q(ue) ne sache de uos un autre uers; que nest icil qui tant me fet mal traire. ne soiez pas con li cines qui ades bat ses cisniax quant il leur doit melz faire. quant il sont grant et il uient a son aire. et a premiers les anor riz et ters. Nule paine qui [i] guerredon atent. ce est ese qui |
 |
bien iset entendre. car qui a des ueut fere son talent; len i puet bien mainte chose mes prendre. tel cheuauchent m(u)lt acemeement. qui ne seuent leur grant honor atendre. en amors a maint guerredon a prendre; dont el puet bien son dru faire ioiant. Cer tes dame bien cuit a escient; ni doi perdre se ne mi puis desfendre. de uos amer me ua amors hastant; que ie me claim uaincu sanz plus coup prendre. et uos tenez le baston en estant. si fetes si con ne u(os) puist reprendre. se mociez ni gaaignerez noient. Aenuis prent nus oiselet au broi; qil nel mehaint ou ocie ou afole. et amors prent tout autretel conroi; de mult de ceus quele tient a escole. gent les atret si leur moustre pour quoi. a premiers est chascuns si liez [i] qil uole. mult matrest bel. me(s) ci me faut parole. car uos dirai de qui ce poise moi. Chancon ua ten cele part ou ie uoi. douz cuer au mains que que die en parole. et se mi oeil so(n)t loing ice mafole. mes ie me fi tout ades en ma foi. |