[f. 192vc]
 |
lo coms de peitieus. P Vois de chantar mesp(re)s talenz. Farai un uers do(n) sui dolenz. Mas n(on) serai obedie(n)z. En pitau ni en limozi. Quera men irai enei- ssil. En gran paor et en peril. En guerra laissarai mo(n) fill. Efaran mal siei uezi. Lo departirs mes aitan grieus. Del sei(n)gno- rage de peitieus. En garda de fol con dangi- eus. Lais la terra eson cosi. Si fol tos dangieus nol socor. El reis de cui ieu tenc monor. Faran li mal tut li plu- sor. fellon gascon et angeui. Si ben no(n) es sauis ni pros. Qua(n)t eu serai partitz de uos. Uiatz lauran tornat en ios. Car lo ueiran ioue mesqui. Per m(er)ce prec mo(n) (com)pai(n)gnon. Sanc li fi tort quil mo perdo. Et il prec en iezu del tro. En roma(n)s et en son lati. De proessa ede ioi fui. Mas ara parte(m) ambe- dui. Et ieu irai men acellui. On tut pecca- dor troban fi. Mout ai estat cuedes egais. Mas nostre se- ingner nol uol mais. Ar no(n) posc pl(us) soffrir lo fais. tant sui aprochatz de lafi. Tot ai guerpit qant amar suoil. Caualla- ria et orgoill. Epois dieu platz tot oacuoill. E prec lui q(ue)m retengab si. Totz mos amics p(re)c ala mort. Queil ue(n)ga(n) tuit emo(n) ren fort. Q(ue)u ai auut ioi e deport. Loing epres (et) amo(n) aizi. Aissi guerpisc ioi edeport. Euair egris e senbeli. |