|
Arnautz daniels |
Arnautz Daniels |
| E tu co aus no(n) ta francas. P(er) respieg camar o not uoilla. Sec cil te fui nit fai ganda. Que greu er com noi apoinia. Qui sa fortis de p(re)iar mas non cola. Quen passarai part las palus duserna. Mons pelegrins laics lei on cor ebres. |
E tu c'o aus non t'afrancas per respieg c'amar o no∙t voilla sec cil te fui ni∙t fai ganda que greu er c'om no∙i apoinia qui s'afortis de preiar mas non cola que∙n passarai part las palus d'Userna mons pelegrins laics lei on cor Ebres. |
| Abrazos coindas efranchas. Ma mandat qeu nomen tuoilla. Ni serua autra ni blanda. Pois tant fan cabsi ma conga. Emdique flor nol sem ble de uiola. Ques camia leu sitot no(n) ca si ue(r) na. Ans per samor sis laurs ogenebres. |
Ab razos coindas e franchas m'a mandat q'eu no∙men tuoilla ni serva autra ni blanda pois tant fan c'ab si m'aconga e∙m di que flor no∙l semble de viola que∙s camia leu si tot nonca s'iverna ans per s'amor sis laurs o genebres. |
| Sieu nai passatz pons ni planchas. P(er) lei cui datz uos quem duoilla. No(n) eu cab ioi ses uiada. Me sap far mecina coinga. Baisam tenen el co rs sitot si uola. Nos part deilei quem capdella em gouerna. Cors on queu an delleis not pa rt nit sebres. |
S'ieu n'ai passatz pons ni planchas per lei cuidatz vos que∙m duoilla non eu c'ab ioi ses viada me sap far mecina coinga baisam tenen e∙l cors si tot si vola no∙s part dei lei que∙m cap d'ella e∙m governa cors on qu'eu an de∙lleis no∙t part ni∙t sebres. |
| Que de paris tro ca sanchas. Genser nos ue st nis despuoilla. Esa ualors es ta(n) granda. Qe semblaria mesoniga. Ben uai damor qe mem brassem percola. Enom freisis freitz ni gels ni buerna. Nim faz dolor nuls mals gota ni febres. |
Que de Paris tro c'a Sanchas genser no∙s vest ni∙s despuoilla e sa valors es tan granda qe semblaria mesoniga ben vai d'Amor qe m'embrass'e∙m percola e no∙m frei sis freitz ni gels ni buerna ni∙m faz dolor nuls mals gota ni febres. |
| Distu caillors no(n) testanchas. P(er) autra quet de ing nit cuoilla. Tos plaitz esquius edesma(n)da. Saielai qui quet somoniga. Qe ses clam faill qui si mezeis afola. Etu no(n) far failla don hom tesquerna. Mas apres dieu leis honors eselebros. |
Dis tu c'aillors non t'estanchas per autra que∙t deing ni∙t cuoilla tos plaitz esquius e desmanda sai e lai qui que∙t somoniga qe ses clam faill qui si mezeis afola e tu non far failla don hom t'esquerna mas apres Dieu leis honors e selebros. |
| Queu sui arnautz del sim tro enla sola. Eu non uoill ges sens leis auer luserna. Nil seignoriu del renc per on corobres. |
Qu'eu sui Arnautz del sim tro en la sola eu non voill ges sens leis aver Luserna ni∙l seignoriu del renc per on cor Obres. |